ಬೀರೂರಿನ ಸರಸ್ವತಿಪುರಂ ಬಡಾವಣೆ, ಜಲಗಿರಿಬಾವಿ ಬೀದಿ, ಭೋವಿ ಕಾಲನಿ, ಬಳ್ಳಾರಿ ಕ್ಯಾಂಪ್, ಅಂಬೇಡ್ಕರ್ ನಗರ, ಶಿವಾಜಿ ನಗರ ಸೇರಿದಂತೆ ವಿವಿಧ ಬಡಾವಣೆಗಳಲ್ಲಿ 300 ಮನೆಗಳ ನಿರ್ಮಾಣಕ್ಕೆ ಪ್ರಧಾನಮಂತ್ರಿ ಆವಾಸ್ ಯೋಜನೆಯ ಕೊಳಚೆ ನಿರ್ಮೂಲನಾ ಮಂಡಳಿಯಿಂದ ಅನುಮೋದನೆ ದೊರೆತಿತ್ತು. ಅದರಂತೆ ಯೋಜನೆಗೆ ಪರಿಶಿಷ್ಟ ಜಾತಿ, ಪರಿಶಿಷ್ಟ ಪಂಗಡ ಇತರ ವರ್ಗದವರೂ ಸೇರಿದಂತೆ 40 ಕುಟುಂಬಗಳು ಮಂಡಳಿ ಹೆಸರಿನಲ್ಲಿ ವರ್ಗಕ್ಕೆ ಮೀಸಲಾದ ಹಣವನ್ನು ಡಿಡಿ ತೆಗೆದು ಮಂಡಳಿಗೆ ಪಾವತಿಸಿದ್ದಾರೆ. ಆ ಪೈಕಿ 22 ಮನೆಗಳ ಕಾಮಗಾರಿ ಆರಂಭಿಸಲಾಗಿದೆ. ಅದರಲ್ಲಿ ಕೆಲವು ತಳಪಾಯ ಮಾತ್ರ ಕಂಡರೆ ಇನ್ನುಳಿದ ಮನೆಗಳು ಆರ್ಸಿಸಿ ಮಟ್ಟ ತಲುಪಿವೆ. ಬಾಕಿ ಉಳಿದಿರುವ ಮನೆಗಳ ಕೆಲಸವೇ ಆರಂಭಿಸಿಲ್ಲ.
