ಎರಡು ತಿಂಗಳ ಹಿಂದೆ ಶಿರಸಿಗೆ ವಿವಿಧ ಕೆಲಸಕ್ಕೆಂದು ಆಗಮಿಸಿದ್ದ ಹೊನ್ನಾವರ, ಬೈಂದೂರ, ಮಾವಿನಗುಂಡಿ, ಕುಂದಾಪುರ, ಹಿರೇಮಣ್ಣಾಪುರ, ಕುಷ್ಟಗಿ, ಹಾನಗಲ್ ಇತರ ಕಡೆಗಳಿಂದ ಆಗಮಿಸಿ ಲಾಕ್ಡೌನ್ನಿಂದಾಗಿ ತಮ್ಮ ಊರುಗಳಿಗೆ ಮರಳಲಾಗದೇ ತಾಲೂಕಿನಲ್ಲಿ ಸಿಲಿಕಿದ್ದರು. ಇಂತಹ 83 ಕಾರ್ವಿುಕರನ್ನು ತಾಲೂಕಾಡಳಿತ ವೈದ್ಯಕೀಯ ಪರೀಕ್ಷೆ ನಡೆಸಿ ಇಲ್ಲಿನ ತಹಸೀಲ್ದಾರ್ ಕಚೇರಿಯಿಂದ ಸಾರಿಗೆ ಸಂಸ್ಥೆಯ ನಾಲ್ಕು ಬಸ್ಗಳಲ್ಲಿ ಕಡ್ಡಾಯವಾಗಿ ಮಾಸ್ಕ್ ಹಾಕಿಸುವುದರ ಜತೆಗೆ ಸಾಮಾಜಿಕ ಅಂತರದೊಂದಿಗೆ ಪ್ರತಿ ಬಸ್ಗೆ 20 ಮಂದಿಯಂತೆ ಅವರವರ ಊರುಗಳಿಗೆ ಕಳುಹಿಸಿಕೊಡಲಾಗಿದೆ. ಕೆಲಸಕ್ಕೆಂದು ಬಂದು ಲಾಕ್ಡೌನ್ಗೆ ಸಿಲುಕಿ ತವರಿಗೆ ಹೋಗಲಾಗದೇ ಚಡಪಡಿಸುತ್ತಿದ್ದ ವಲಸೆ ಕಾರ್ವಿುಕರಿಗೆ ಅಂತೂ ತವರು ಭಾಗ್ಯ ದೊರೆತಿದ್ದು, ನೆಮ್ಮದಿಯಿಂದ ಮೂಲಸ್ಥಾನಗಳಿಗೆ ಮರಳಿದರು.
