ಮಿಂಚಿದ ಚೆಲುವೆಯರು: ಮಹಿಳಾ ದಿನ ನಿಮಿತ್ತ ಏರ್ಪಡಿಸಿದ್ದ ಮೂರು ವಿಭಾಗದ ಫ್ಯಾಶನ್ ಶೋನಲ್ಲಿ ನೂರಾರು ಬಾಲಕಿಯರು, ಯುವತಿಯರು, ಗೃಹಿಣಿಯರು ಚಂದದ ದಿರಿಸಿನಲ್ಲಿ ಹೆಜ್ಜೆ ಹಾಕಿದರು. ಸಂಗೀತದ ಗಾನಲಹರಿಯೊಂದಿಗೆ ಮೊದಲಿಗೆ ೬-೧೩ ವರ್ಷದೊಳಗಿನವರು ಸಾಂಪ್ರದಾಯಿಕ, ವೆಸ್ಟರ್ನ್ ಶೈಲಿ ದಿರಿಸಿನೊಂದಿಗೆ ಹೆಜ್ಜೆ ಹಾಕಿ ಪ್ರೇಕ್ಷಕರ ಮನ ಗೆದ್ದರು. ಮಿಸ್ ಕಲಬುರಗಿ ಸ್ಪರ್ಧೆಯಲ್ಲಿ ಯುವತಿಯರು ವೈವಿಧ್ಯಮಯ ದಿರಿಸು ಧರಿಸಿ ವೈಯಾರದ ನಡಿಗೆ ಮಾಡಿದರು. ಯುವತಿಯರೇ ನಾಚುವಂತೆ ಗೃಹಿಣಿಯರು ಮಿಸೆಸ್ ಕಲಬುರಗಿಯಲ್ಲಿ ಭಾಗವಹಿಸಿ ರ್ಯಾಂಪ್ ವಾಕ್ ಮಾಡಿ ಪ್ರತಿಭೆ ಅನಾವರಣಗೊಳಿಸಿದರು. ಸುಮಿತ್ರಾ ಕಲಶೆಟ್ಟಿ, ಡಾ.ಸ್ನೇಹಾ ಕೃಪಾರಡ್ಡಿ, ಸುಷ್ಮಿತಾ ಮಾರ್ಟಿನಾ, ಡಾ.ರಷ್ಮಿ ಸಲಗರ ನಿರ್ಣಾಯಕರಾಗಿ ಕಾರ್ಯ ನಿರ್ವಹಿಸಿದ್ದರು. ಫ್ಯಾಶನ್ ಶೋನಲ್ಲಿ ಪ್ರಿಯಾಂಕಾ ಸಿ. ಪಾಟೀಲ್, ಶ್ವೇತಾ ಕೆ. ಪಾಟೀಲ್, ಲಕ್ಷ್ಮೀ ಡಿ. ಪಾಟೀಲ್, ಡಾ.ವೀಣಾ ವಿಕ್ರಂ ಸಿದ್ದಾರಡ್ಡಿ, ಡಾ.ರಾಜಶ್ರೀ ವಿ.ರಡ್ಡಿ, ಡಾ.ರಾಜೇಶ್ವರಿ ಎಸ್.ರಡ್ಡಿ, ಪಲ್ಲವಿ ಮುಕ್ಕಾ ಇತರರಿದ್ದರು.
