ಹಾಸನ ತಾಲೂಕಿನ ವಿವಿಧ ಶಾಲೆಗಳಿಂದ ಆಗಮಿಸಿದ್ದ ಶಾಲಾ ವಿದ್ಯಾರ್ಥಿಗಳು ಸೊಳ್ಳೆ ನಿಯಂತ್ರಣದ ಕುರಿತು ತಾವೇ ಮಾಡಿಕೊಂಡು ಬಂದಿದ್ದ ಮಾದರಿ ಪ್ರದರ್ಶನ ಆಕರ್ಷಿಸಿತು. ಸೊಳ್ಳೆಗಳ ನಿಯಂತ್ರಣ ಹಾಗೂ ಅಪಾಯಗಳ ಬಗ್ಗೆ ಸುದ್ದಿಗಾರರೊಂದಿಗೆ ವಿದ್ಯಾರ್ಥಿಗಳಾದ ರಮೇಶ್, ಮಾನ್ಯತಾ, ಕಾಂಚಾನಾ ಮಾತನಾಡಿ, ಸೊಳ್ಳೆ ಎಂದರೆ ತಕ್ಷಣ ಕೆಲವರಿಗೆ ಕಿರಿಕಿರಿ ಇನ್ನೂ ಕೆಲವರಿಗೆ ಭಯ. ರಾತ್ರಿ, ಹಗಲು ಎನ್ನದೇ ಮಲಗಲು ಬಿಡದೆ ಕಿವಿಯ ಬಳಿ ಗುಂಯ್ ಗುಡುತ್ತಿದ್ದರೆ ಎಂತಹವರಿಗೂ ಕೋಪ ತರುಸುತ್ತವೆ. ಸೊಳ್ಳೆಗಳು ಕಿರಿಕಿರಿ ಉಂಟು ಮಾಡುವುದು ಮಾತ್ರವಲ್ಲದೆ ಬಹಳ ಅಪಾಯಕಾರಿ ಕೂಡಾ ಹೌದು. ಸೊಳ್ಳೆಗಳು ಹಲವು ರೋಗಗಳಿಗೆ ಕಾರಣವಾಗಬಹುದು. ಅದರಲ್ಲೂ ದೊಡ್ಡ ದೊಡ್ಡ ರೋಗಗಳಾದ ಮಲೇರಿಯಾ, ಚಿಕೂನ್ಗುನ್ಯಾ, ಡೆಂೆ, ಝೀಕಾ ವೈರಸ್, ಹಳದಿ ಜ್ವರ ಮುಂತಾದ ರೋಗಗಳು ಬರುವುದು ಸೊಳ್ಳೆಗಳಿಂದ. ಪ್ರತಿ ವರ್ಷ ಸೊಳ್ಳೆಗಳಿಂದ ಹರಡುವ ರೋಗಗಳಿಂದ ಸುಮಾರು ಐದು ಲಕ್ಷ ಜನರು ಸಾವನ್ನಪ್ಪುತ್ತಿದ್ದಾರೆ ಎಂದರು.
