ಜ್ಞಾನದಿಂದ ಮಾತ್ರ ಸಾಹಿತ್ಯದ ರಚನೆ ಮತ್ತು ಬಳಸುವಿಕೆ ಸಾಧ್ಯ. ಈ ನಿಟ್ಟಿನಲ್ಲಿ ಸಾಹಿತ್ಯ ಕ್ಷೇತ್ರದಲ್ಲಿ ಜ್ಞಾನಕ್ಕೆ ಮಾತ್ರವೇ ಮಹತ್ವವಿದೆ ವಿನಾ, ಹಣ, ಆಮಿಷಗಳಿಗೆ ಅವಕಾಶವಿಲ್ಲ. ಹಣದಿಂದ ಯಾವುದೇ ಕ್ಷೇತ್ರಗಳಲ್ಲಿ ಪದವಿ, ಅಧಿಕಾರ ಪಡೆಯಬಹುದು ಎನ್ನುವ ಭ್ರಮೆಯಲ್ಲಿರುವವರಿಗೆ ಸಾಹಿತ್ಯ ಕ್ಷೇತ್ರ ಒಳ ನುಸುಳಲು ಸಹ ಬಿಡುವುದಿಲ್ಲ. ಸಾವಿರಾರು ವರ್ಷಗಳ ಇತಿಹಾಸ ಮತ್ತು ಪರಂಪರೆ ಇರುವ ಕನ್ನಡ ಭಾಷೆಯ ಬಗ್ಗೆ ಗೌರವಾದಾರಗಳನ್ನು ಪ್ರತಿಯೊಬ್ಬರು ಹೊಂದಬೇಕು. ಆಂಗ್ಲ ಭಾಷೆಯಲ್ಲಿ ಮಾತನಾಡಿದರೆ ಗೌರವ ದೊರೆಯುತ್ತದೆ ಎನ್ನುವ ಕಲ್ಪನೆ ಮತ್ತು ಅಹಂ ತೊರೆದು ಕನ್ನಡ ಭಾಷಾಭಿಮಾನ ಬೆಳೆಸಿಕೊಂಡು ಕನ್ನಡದ ಉಳಿವು, ಬೆಳವಣಿಗೆಗೆ ಕಾರಣರಾಗುವಂತೆ ತಿಳಿಸಿದರು.
