ಸೈಕಲ್ ಏರಿ... ಕೆರೆ ಹಾರಿ..

ಆನಂದ ಅಂಗಡಿ ಹುಬ್ಬಳ್ಳಿ

ಇಲ್ಲಿನ ನೃಪತುಂಗ ಬೆಟ್ಟದಲ್ಲಿ ಜಿಪ್​ಲೈನ್ ಅಳವಡಿಸುವ ಯೋಜನೆಗೆ ವೇಗ ದೊರೆತಿರುವ ಮಧ್ಯೆಯೇ ಕಾರವಾರ ರಸ್ತೆಯ ಕೆಂಪಗೇರಿ ಕೆರೆಯ ಆವರಣದಲ್ಲಿ ಮತ್ತೊಂದು ಜಿಪ್​ಲೈನ್ ಹಾಗೂ ಸ್ಕೆ ೖ ಸೈಕ್ಲಿಂಗ್ ಅಳವಡಿಸುವ ಯೋಜನೆ ಸಿದ್ಧಗೊಂಡಿರುವುದು ಈ ಭಾಗದ ಪ್ರವಾಸೋದ್ಯಮಕ್ಕೆ ಉತ್ತೇಜನ ದೊರೆತಂತಾಗಿದೆ.

ಸುಮಾರು 14 ಎಕರೆ ವ್ಯಾಪಿಸಿರುವ ಕೆಂಪಕೇರಿ ಕೆರೆ ಆವರಣದಲ್ಲಿ ಈಗಾಗಲೇ ಪ್ರವಾಸೋದ್ಯಮ ಇಲಾಖೆಯ ಸುಮಾರು 5 ಕೋಟಿ ರೂ. ಅನುದಾನದಿಂದ ಹಲವಾರು ಅಭಿವೃದ್ಧಿ ಕಾರ್ಯಗಳನ್ನು ಕೈಗೊಳ್ಳಲಾಗಿದೆ. ಕೆರೆಯ ಆವರಣದಲ್ಲಿ ಕೃತಕ ನಡುಗಡ್ಡೆ, ಕೆರೆ ಸುತ್ತಲೂ ಪಾದಚಾರಿ ಮಾರ್ಗ, ಉದ್ಯಾನ, ಶೌಚಾಲಯ, ಫುಡ್​ಕೋರ್ಟ್, ವೀಕ್ಷಣಾ ಗೋಪುರ ಸೇರಿ ಹಲವಾರು ಸೌಲಭ್ಯಗಳು ನಿರ್ವಣಗೊಂಡಿವೆ.

ಈ ಮಧ್ಯೆ ಶಾಸಕ ಪ್ರಸಾದ ಅಬ್ಬಯ್ಯ ಸೂಚನೆ ಮೇರೆಗೆ ಕೆರೆ ಆವರಣದಲ್ಲಿ ಜಿಪ್​ಲೈನ್ ಹಾಗೂ ಸ್ಕೈ ಸೈಕ್ಲಿಂಗ್ ಅಳವಡಿಸಲು ಮಹಾನಗರ ಪಾಲಿಕೆ ಪ್ರಸ್ತಾವನೆ ಸಿದ್ಧಪಡಿಸಿ, ಪ್ರವಾಸೋದ್ಯಮ ಇಲಾಖೆಗೆ ಸಲ್ಲಿಸಿದೆ.

ಈ ತಿಂಗಳಲ್ಲಿ ಪ್ರವಾಸೋದ್ಯಮ ಇಲಾಖೆಯು 1 ಕೋಟಿ ರೂ.ಗಳನ್ನು ಬಿಡುಗಡೆಗೊಳಿಸುವ ನಿರೀಕ್ಷೆ ಇದೆ. ಈಗಾಗಲೇ ಪುಣೆಯ ಖಾಸಗಿ ಸಂಸ್ಥೆಯೊಂದು ಕೆರೆಯ ಆವರಣದಲ್ಲಿ ಜಿಪ್​ಲೈನ್ ಹಾಗೂ ಸ್ಕೈ ಸೈಕ್ಲಿಂಗ್ ಅಳವಡಿಕೆಗೆ ಅಧ್ಯಯನವನ್ನೂ ನಡೆಸಿದ್ದು, ಎರಡೂ ಸೌಲಭ್ಯಗಳ ಅಳವಡಿಕೆಗೆ ಕೆರೆ ಆವರಣ ಸೂಕ್ತವಾಗಿರುವುದಾಗಿ ಸಂಸ್ಥೆ ವರದಿಯನ್ನೂ ನೀಡಿದೆ.

ನೃಪತುಂಗ ಬೆಟ್ಟದಲ್ಲಿ ಜಿಪ್​ಲೈನ್ ಬೆಟ್ಟದಿಂದ ಮರಗಳ ಮಧ್ಯದಲ್ಲಿ ಕೆಳಗೆ ಇಳಿಯಲಿದೆ. ಅಲ್ಲಿ ಜಿಪ್​ಲೈನ್ ನಿರ್ವಣಕ್ಕೆ ನೈಸರ್ಗಿಕ ಸೌಲಭ್ಯವಿದೆ. ಆದರೆ, ಕೆಂಪಗೇರಿ ಕೆರೆಯಲ್ಲಿ ಜಿಪ್​ಲೈನ್ ಹಾಗೂ ಸ್ಕೈ ಸೈಕ್ಲಿಂಗ್​ಗಾಗಿ ಪ್ರತ್ಯೇಕ ಸ್ಟಾ್ಯಂಡ್​ಗಳನ್ನು ನಿಲ್ಲಿಸಲು ತೀರ್ವನಿಸಲಾಗಿದೆ.

ನೃಪತುಂಗ ಬೆಟ್ಟದ ಜಿಪ್​ಲೈನ್ 400 ಮೀಟರ್ ಉದ್ದ ಇದ್ದರೆ, ಕೆಂಪಗೇರಿ ಕೆರೆಯದ್ದು 800 ಮೀಟರ್​ಗಿಂತಲೂ ಹೆಚ್ಚು ಉದ್ದ ಇರಲಿದೆ. ಕೆರೆ ಆವರಣದ ಪ್ರವೇಶ ದ್ವಾರದ ಎದುರು 25 ಅಡಿ ಎತ್ತರದ ಸ್ಟಾ್ಯಂಡ್ ನಿಲ್ಲಿಸಿ, ಇಳಿಜಾರಿನಲ್ಲಿ ಸ್ಟೀಲ್ ತಂತಿಗಳನ್ನು ಅಳವಡಿಸುವ ಯೋಜನೆ ಇದೆ. ಜಿಪ್​ಲೈನ್ ಕೊನೆಯ ಭಾಗದಲ್ಲಿ ಸುಮಾರು 10 ಅಡಿ ಎತ್ತರದಲ್ಲಿ ಸ್ಟಾ್ಯಂಡ್ ಅಳವಡಿಸುವ ಯೋಜನೆ ಮಹಾನಗರ ಪಾಲಿಕೆಯದ್ದು.

ಎರಡೂ ಸೌಲಭ್ಯ ಒಂದೆಡೆ: ಕೆಂಪಗೇರಿ ಕೆರೆಯ ಆವರಣದಲ್ಲಿ 2 ಮಾರ್ಗದಲ್ಲಿ ಜಿಪ್​ಲೈನ್ ಹಾಗೂ ಸ್ಕೈ ಸೈಕ್ಲಿಂಗ್ ನಿರ್ವಣಗೊಳ್ಳಲಿವೆ. ಈ ಭಾಗದಲ್ಲಿ ಈ ಎರಡೂ ಸೌಲಭ್ಯಗಳು ಇರುವ ತಾಣಗಳು ಎಲ್ಲಿಯೂ ಇಲ್ಲ. ಹಾಗಾಗಿ, ಕೆಂಪಗೇರಿ ಕೆರೆ ಮುಂದಿನ ದಿನಗಳಲ್ಲಿ ಪ್ರವಾಸಿಗರ ನೆಚ್ಚಿನ ತಾಣವಾಗಲಿದೆ.

ಕರ್ನಾಟಕದಲ್ಲಿ ಮೊದಲು: ಕರ್ನಾಟಕದಲ್ಲಿ ಬಹುತೇಕ ಯಾವ ಪ್ರದೇಶದಲ್ಲಿಯೂ ಸ್ಕೈ ಸೈಕ್ಲಿಂಗ್ ಸೌಲಭ್ಯ ಇಲ್ಲ. ಕುಲು ಮನಾಲಿ, ಋಷಿಕೇಶ ಹಾಗೂ ಕೊಚಿಯಲ್ಲಿ ಸ್ಕೈ ಸೈಕ್ಲಿಂಗ್ ಪ್ರಸಿದ್ಧಿ ಪಡೆದಿದೆ. ನೆಲದಿಂದ 25 ಅಡಿ ಎತ್ತರದಲ್ಲಿ ಜೋತಾಡುವ ತಂತಿಯ ಮೇಲೆ ಸೈಕಲ್ ತುಳಿಯುವ ಮಜವೇ ಬೇರೆ. ಈ ಸಾಹಸಮಯ ಮೋಜು ಹುಬ್ಬಳ್ಳಿ ಹಾಗೂ ಸುತ್ತಲಿನ ಜನರಿಗೆ ಶೀಘ್ರ ದೊರೆಯಲಿದೆ.

• ಕೆಂಪಗೇರಿ ಕೆರೆಯ ಬಳಿ ನೀರು ಶುದ್ಧೀಕರಣ ಘಟಕ ನಿರ್ವಿುಸುವ ಯೋಜನೆಯೂ ಇದ್ದು, ಹಣ ಮೀಸಲಿರಿಸಲಾಗಿದೆ. ಘಟಕಕ್ಕಾಗಿ ಭೂಮಿ ಖರೀದಿ ಬಾಕಿ ಇದೆ.
• ಕೆರೆ ಮೇಲೆ ಜಿಪ್​ಲೈನ್ ಇರುವುದರಿಂದ ಅಣಕು ರಕ್ಷಣೆ ಕಾರ್ಯವನ್ನೂ ನಡೆಸಬಹುದು. ಆ ಮೂಲಕ ರಕ್ಷಣಾ ಸಿಬ್ಬಂದಿಗೆ ಅಗತ್ಯ ತರಬೇತಿ ನೀಡಬಹುದು.
• ಪ್ರವಾಸೋದ್ಯಮ ಇಲಾಖೆ ಅನುದಾನ ಬಿಡುಗಡೆ ಮಾಡಿದ ತಕ್ಷಣ ಟೆಂಡರ್ ಕರೆಯಲು ಮಹಾನಗರ ಪಾಲಿಕೆ ಸಿದ್ಧತೆ ನಡೆಸಿಕೊಂಡಿದೆ. ಈಗಾಗಲೇ ನಾಲ್ಕೈದು ಗುತ್ತಿಗೆದಾರರೊಂದಿಗೆ ಪಾಲಿಕೆ ಅಧಿಕಾರಿಗಳು ಈ ಕುರಿತು ರ್ಚಚಿಸಿದ್ದಾರೆ ಎಂದು ಮೂಲಗಳು ತಿಳಿಸಿವೆ.
• ಕೆರೆ ಆವರಣದಲ್ಲಿ ಬೋಟಿಂಗ್ ಸೌಲಭ್ಯ ಒದಗಿಸುವ ಚಿಂತನೆಯೂ ಇದೆ.
• ಕೃತಕ ನಡುಗಡ್ಡೆಯಲ್ಲಿ ಸಸಿಗಳನ್ನು ನೆಡಲಾಗುತ್ತಿದೆ. ಈಗಾಗಲೇ ವಿವಿಧ ಬಗೆಯ ಪಕ್ಷಿಗಳು ನಡುಗಡ್ಡೆಗೆ ಆಗಮಿಸುತ್ತಿದ್ದು, ಪಕ್ಷಿಗಳ ಕಲರವ ಕೇಳಿಸುತ್ತಿದೆ.
• ಕೆರೆಯ ಸುತ್ತಲೂ ಆವರಣ ಗೋಡೆ ನಿರ್ವಿುಸುವ ಯೋಜನೆ ಇದೆ. ಕೆರೆ ಮುಂಭಾಗದಲ್ಲಿ ಪ್ರವೇಶ ದ್ವಾರ, ಟಿಕೆಟ್ ಕೌಂಟರ್ ನಿರ್ವಿುಸಲಾಗಿದೆ. ರ್ಪಾಂಗ್ ವ್ಯವಸ್ಥೆ ನಿರ್ವಣಗೊಳ್ಳಬೇಕಿದೆ.
• ಕೆರೆ ಸುತ್ತಲೂ ವಿದ್ಯುತ್ ಕಂಬಗಳನ್ನು ನಿರ್ವಿುಸಲಾಗಿದೆ. ರಾತ್ರಿ ಹೊತ್ತಿನಲ್ಲಿ ವಿದ್ಯುತ್ ದೀಪಗಳ ಮಧ್ಯೆ ಕೆರೆಯ ಅಂದ ಕಣ್ಮನ ಸೆಳೆಯಲಿದೆ.