ರಾಜ್ಯ ಸಹಕಾರ ಮಹಾಮಂಡಳದ ಅಧ್ಯಕ್ಷ ಜಿ.ಟಿ.ದೇವೇಗೌಡ ಮಾತನಾಡಿ, ಗ್ರಾಮೀಣ ಭಾಗದ ಜನರು ಸಹಕಾರಿ ಸಂಘಗಳಲ್ಲಿ ಷೇರು ಬಂಡವಾಳ ಹೂಡಬೇಕು. ಹಣವನ್ನು ಅನಗತ್ಯವಾಗಿ, ಅದ್ದೂರಿ ಕಾರ್ಯಕ್ರಮಗಳಿಗೆ ಖರ್ಚು ಮಾಡುವ ಬದಲು, ಮಂತ್ರ ಮಾಂಗಲ್ಯದಂತಹ ಸರಳ ಮದುವೆಗಳಿಗೆ ಮುಂದಾಗಬೇಕು ಎಂದರು. ಎಲ್ಲಡೆ ಬಂಡವಾಳಶಾಹಿಗಳ ದಾಳಿ ನಡೆಯುತ್ತಿದೆ, ನಿಜವಾದ ಸದಸ್ಯರಿಗೆ ಮತದಾನ ದೊರೆಯುವಂತೆ ಮಾಡಬೇಕಿದೆ. ಪ್ರಾಮಾಣಿಕತೆಗೆ ಪುರಸ್ಕಾರ ದೊರೆಯಬೇಕಿದೆ. ಸಹಕಾರಿ ಕ್ಷೇತ್ರ ಜನರಿಗೆ ಸೇವೆ ಮಾಡಲು ಇರುವ ಒಂದು ಅವಕಾಶ, ಸತ್ಯವಂತರಿಗೆ ಎಂದಿಗೂ ಮನ್ನಣೆ ದೊರೆಯುತ್ತದೆ. ಕೃಷಿ, ಕೈಗಾರಿಕೆ, ರೇಷ್ಮೆ ಉದ್ಯಮ ಮಾಡುವವರು ಸಹಕಾರಿ ಕ್ಷೇತ್ರದ ಸದಸ್ಯರಾಗಿ ಈ ಕ್ಷೇತ್ರವನ್ನು ಉಳಿಸಲುಪ್ರಾಮಾಣಿಕ ಪ್ರಯತ್ನ ನಡೆಸೋಣ ಎಂದರು.
