ಯಲಗತವಳ್ಳಿ ಗಿರೀಶ್ ಮಾತನಾಡಿ, ಮನೆಯ ಮುಂಭಾಗದಲ್ಲಿ ವಿದ್ಯುತ್ ಲೈನ್ ಹಾದುಹೋಗಿದ್ದು, ಕಂಬದ ಅಂತರ ಹೆಚ್ಚಿರುವುದರಿಂದ ಮಳೆಗಾಲದಲ್ಲಿ ಗಾಳಿಗೆ ಒಂದಕ್ಕೊಂದು ವೈರ್ಗಳು ತಾಗಿ ಬೆಂಕಿ ಹೊತ್ತಿ ಬರುತ್ತಿದ್ದು, ತುಂಡಾಗಿ ಬೀಳುವ ಸಂಭವ ಹೆಚ್ಚಿದೆ. ಮನೆಯಿಂದ ಹೊರಗೆ ಬರಲು ಭಯವಾಗುತ್ತಿದೆ. ಈ ಕುರಿತು ಹಲವು ಬಾರಿ ತಿಳಿಸಿದರೂ ಪ್ರಯೋಜನವಾಗಿಲ್ಲ. ಕೂಡಲೇ ಮತ್ತೊಂದು ಕಂಬವನ್ನು ಅಳವಡಿಸಬೇಕು ಎಂದಾಗ, ಮಹದೇವಸ್ವಾಮಿ ಪ್ರತಿಕ್ರಿಯಿಸಿ, ಕೂಡಲೇ ಕಂಬ ಅಳವಡಿಸಲು ಕ್ರಮ ವಹಿಸುವಂತೆ ಅಧಿಕಾರಿಗಳಿಗೆ ಸೂಚಿಸಿದರು. ಕೆಲ ಗ್ರಾಮಸ್ಥರು ಕಂಬ ಮತ್ತು ವೈರುಗಳ ಬದಲಾವಣೆ ಮಾಡಿಸುವಂತೆ ದೂರು ನೀಡಿದರೆ ಮತ್ತೆ ಕೆಲವರು, ಟಿಸಿಗೆ ಅಳವಡಿಸಿರುವ ವಯರ್ಗಳು ತುಕ್ಕು ಹಿಡಿದಿದ್ದು ಬದಲಿಸುವಂತೆ ದೂರು ನೀಡಿದರು.
