ಇತ್ತೀಚೆಗೆ ಕಲ್ಪುರ, ಉಗನೇದಹುಂಡಿ ಗ್ರಾಮಗಳಲ್ಲಿ ಹಸು ಬಲಿ ಪಡೆದ ಅಕ್ಕ-ಪಕ್ಕದ ಗ್ರಾಮಗಳ ಜನರಲ್ಲೂ ಹುಲಿ ಆತಂಕ ಮೂಡಿಸಿದೆ. ಹುಲಿ ಸೆರೆಗೆ ಕಾರ್ಯಾಚರಣೆ ನಡೆಸುತ್ತಿರುವ ಅರಣ್ಯ ಇಲಾಖೆ ಜಮೀನಿಗೆ ಬರುವ ರೈತರಿಗೆ ಭದ್ರತೆ ನೀಡಲಾಗಿತ್ತು. ಬೋನು ಇರಿಸಿ, ಕ್ಯಾಮರಾ ಅಳವಡಿಸಿ ಸೆರೆಗೆ ಕಾರ್ಯಾಚರಣೆ ನಡೆಸಲಾಗುತ್ತಿದೆ. ಅ.29ರಂದು ಕಟ್ನವಾಡಿ, ಉಗನೇದಹುಂಡಿ, ಉಡಿಗಾಲ ಮತ್ತು ಮಡುವಿನಬೀಡು ಗ್ರಾಮಗಳಲ್ಲಿ ಒಂದು ದಿನದಟ್ಟಿಗೆ ನಿಷೇಧಾಜ್ಞೆ ಜಾರ ಮಾಡಲಾಗಿತ್ತು. ಆದರೂ ಬೋನಿಗೆ ಬೀಳದ ಚಾಲಾಕಿ ಹುಲಿ ಜನರಲ್ಲಿ ಮತ್ತಷ್ಟು ಆತಂಕ ಮೂಡಿಸಿದೆ. ಮತ್ತಿನ್ನೆಲ್ಲಿ ದಾಳಿ ಮಾಡಿ ಜಾನುವಾರುಗಳನ್ನು ಬಲಿ ಪಡೆಯಲಿದೆಯೋ ಅಥವಾ ಜನರ ಮೇಲೆ ಎರಗಿ ಪ್ರಾಣ ತೆಗೆಯುತ್ತದೋ ಎಂಬ ದುಗುಡ ಕಾಡುತ್ತಿದೆ.
