ಬಾಕ್ಸ್ಗಳಲ್ಲಿದ್ದ ದಾಖಲೆಗಳನ್ನು ಕಾರ್ನಲ್ಲಿ ತರಿಸಿಕೊಂಡ ಅಧಿಕಾರಿಗಳು, ಹಲವರಿಂದ ಮಾಹಿತಿ ಪಡೆದರು. ಸಂಜೆ 4.10ರ ಸುಮಾರಿಗೆ ಮಲ್ಲಮ್ಮ ಹಾಗೂ ಇತರರ ವಿಚಾರಣೆ ಮುಗಿಸಿ ಹೊರಗೆ ಕಳುಹಿಸಲಾಯಿತು. ಈ ವೇಳೆ ಪ್ರತಿಕ್ರಿಯಿಸಿದ ಗುರುನಾಥಗೌಡ ‘ನನ್ನನ್ನೇನೂ ಕೇಳಿಲ್ಲ. ಕುಟುಂಬ ಸದಸ್ಯರೊಂದಿಗೆ ಬಂದಿದ್ದೆ’ ಎಂದರು. ಶಿವಾನಂದ ಕರಿಗಾರ ಪ್ರತಿಕ್ರಿಯಿಸಿ ‘ಹಿಂದೆ ಮಲ್ಲಮ್ಮ ಕಾಂಗ್ರೆಸ್ ಸೇರ್ಪಡೆಯಾದ ಕುರಿತು ಮಾಹಿತಿ ಪಡೆದರು’ ಎಂದರು. ಸಂಜೆ 6 ಗಂಟೆ ಸುಮಾರಿಗೆ ಕಾಂಗ್ರೆಸ್ ಮುಖಂಡರಾದ ನಾಗರಾಜ ಗೌರಿ ಹಾಗೂ ಪ್ರಶಾಂತ ಕೇಕರೆ ಠಾಣೆಯಿಂದ ಹೊರಬಂದರು. ಬಳಿಕ ಪ್ರತಿಕ್ರಿಯಿಸಿದ ನಾಗರಾಜ ಗೌರಿ, ‘ಮಲ್ಲಮ್ಮ ಕಾಂಗ್ರೆಸ್ ಸೇರ್ಪಡೆಯಾದ ಕುರಿತು ಮಾತ್ರ ಮಾಹಿತಿ ಕೇಳಿದರು’ ಎಂದರು.ಬೆಳಗ್ಗೆ 11 ಗಂಟೆಯಿಂದ ಸಂಜೆ 6ರವರೆಗೆ ಹಲವರ ವಿಚಾರಣೆ ನಡೆದಿದ್ದು, ಇನ್ನೂ ಕೆಲವರ ವಿಚಾರಣೆ ಮುಂದುವರಿಸುವ ಸಾಧ್ಯತೆ ಇದೆ.
