ಸಿಡಿಲಿಗೆ 11 ಮೇಕೆ ಬಲಿ

ಖಾನಾಪುರ: ತಾಲೂಕಿನ ಚಪ್ಗಾಂವ್​ ಗ್ರಾಮದಲ್ಲಿ ಸಿಡಿಲು ಬಡಿದು 11 ಮೇಕೆಗಳು ಮೃತಪಟ್ಟ ಟನೆ ಸೋಮವಾರ ನಡೆದಿದೆ. ಬೈಲಹೊಂಗಲ ತಾಲೂಕಿನ ವನ್ನೂರ ಮೂಲದ ಕುರಿಗಾಹಿ ಉಮೇಶ ಚಿಚ್ಚಡಿ ಅವರಿಗೆ ಸೇರಿದ ಮೇಕೆಗಳಾಗಿವೆ.

ಇನ್ನೂ ಗ್ರಾಪಂ ಮಾಜಿ ಉಪಾಧ್ಯ ಮಾರುತಿ ಚೋಪ್ಡೆ ಎಂಬುವರ ಮನೆಗೆ ಸಿಡಿಲು ಬಡಿದು ್ಯಾನ್​ ಮತ್ತು ವಿದ್ಯುತ್​ ದೀಪಗಳು ಸುಟ್ಟುಹೋಗಿವೆ ಎಂದು ನಂದಗಡ ಠಾಣೆ ಪೊಲೀಸರು ತಿಳಿಸಿದ್ದಾರೆ. ಖಾನಾಪುರ&ಯಲ್ಲಾಪುರ ಹೆದ್ದಾರಿಯ ಕರಂಬಳ್​ ಗ್ರಾಮದ ಬಳಿ ಮಾವಿನ ಮರವೊಂದು ಉರುಳಿ ಬಿದ್ದ ಪರಿಣಾಮ ರಾಜ್ಯ ಹೆದ್ದಾರಿಯಲ್ಲಿ ಒಂದು ಗಂಟೆಗೂ ಹೆಚ್ಚು ಕಾಲ ಸಂಚಾರ ಅಸ್ತವ್ಯಸ್ತವಾಗಿತ್ತು. ತಾಲೂಕಿನ ನಂದಗಡ, ಬೀಡಿ, ಚಾಪ್​ಗಾಂವ್​ ಮತ್ತು ಇತರ ಪ್ರದೇಶಗಳಲ್ಲೂ ಭಾರೀ ಮಳೆಯಾಗಿದೆ.