ಸಾಮರಸ್ಯ ಬೆಳೆಸುತ್ತಿರುವ ರೋಟರಿ ಸಂಸ್ಥೆ

ಹುಬ್ಬಳ್ಳಿ: ನಗರದ ಬಿಡಿಕೆ ಮೈದಾನದಲ್ಲಿ ರೋಟರಿ ಕ್ಲಬ್ ಆಫ್ ಹುಬ್ಬಳ್ಳಿ ಮಿಡ್​ಟೌನ ಆಯೋಜಿಸಿರುವ ರೋಟರಿ ಚಾಂಪಿಯನ್ಸ್ ಲೀಗ್ ಕ್ರಿಕೆಟ್ ಟೂರ್ನಿಗೆ ಹೆಗ್ಗೇರಿಯ ಆಯುರ್ವೆದ ಮಹಾವಿದ್ಯಾಲಯ ಹಾಗೂ ಆಸ್ಪತ್ರೆಯ ಚೇರ್ಮನ್ ಗೋವಿಂದ ಜೋಶಿ ಚಾಲನೆ ನೀಡಿದರು.

ಈ ವೇಳೆ ಮಾತನಾಡಿದ ಅವರು, ರೋಟರಿ ಸಂಸ್ಥೆಯು ಕ್ರೀಡಾಕೂಟಗಳನ್ನು ಒಳ್ಳೆಯ ಉದ್ದೇಶಕ್ಕಾಗಿ ನಡೆಸುತ್ತಿದೆ ಹಾಗೂ ಆ ಮೂಲಕ ಜನರಲ್ಲಿ ಸಾಮರಸ್ಯ ಬೆಳೆಸುತ್ತಿದೆ. ರೋಟರಿ ಸಂಸ್ಥೆಯು ಇನ್ನೂ ಹೆಚ್ಚಿನ ಸಮಾಜಮುಖಿ ಕಾರ್ಯಗಳನ್ನು ಹಮ್ಮಿಕೊಳ್ಳಲಿ ಎಂದರು. ರೋಟರಿ ಕ್ಲಬ್ ಆಫ್ ಹುಬ್ಬಳ್ಳಿ ಮಿಡ್​ಟೌನ ಅಧ್ಯಕ್ಷ ದಿನೇಶ ಶೆಟ್ಟಿ ಸ್ವಾಗತಿಸಿದರು. ಕಾರ್ಯದರ್ಶಿ ಪ್ರವೀಣ ಬನ್ಸಾಲಿ, ಅಸಿಸ್ಟಂಟ್ ಗರ್ವನರ್ ಸಂಜನಾ ಮಹೇಶ್ವರಿ, ಅರುಣ ಅಗಡಿ, ಪ್ರಶಾಂತ್ ಹೆಗ್ಡೆ, ನಾಗರಾಜ ಶೆಟ್ಟಿ, ಸುಮೇರ್ ಓಸ್ವಾಲ್, ಎಲ್ಲ ತಂಡಗಳ ಮಾಲೀಕರು ಉಪಸ್ಥಿತರಿದ್ದರು. ರಾಹುಲ ವಿಕಂಸಿ ವಂದಿಸಿದರು. ಸಂಜಯ್ ಕುನ್ನತ್ ನಿರೂಪಿಸಿದರು.