ಪ್ರಯಾಣಿಕರಿಂದ ವಾದ- ಒತ್ತಡ: ಇ ಪಾಸ್ ಪಡೆದು ಜಿಲ್ಲೆಗೆ ಆಗಮಿಸುವ ಪ್ರಯಾಣಿಕರಲ್ಲಿ ಕೆಲವರು ಸಾಂಸ್ಥಿಕ ಕ್ವಾರಂಟೈನ್ಗೆ ಒಪ್ಪದೆ ಮನೆಗೆ ಹೋಗಲು ಬಿಡುವಂತೆ ಒತ್ತಡ ಹೇರುತ್ತಿರುವುದಾಗಿ ತಿಳಿದುಬಂದಿದೆ. ಇ ಪಾಸ್ನಲ್ಲಿ 14 ದಿನಗಳ ಕ್ವಾರಂಟೈನ್ ಕಡ್ಡಾಯ ಎಂದು ನಮೂದಾಗಿರುವುದಿಲ್ಲ. ಇದನ್ನೇ ಮುಂದಿಟ್ಟುಕೊಂಡು ವಾದ ಮಾಡುತ್ತಾರೆ. ಕರೊನಾ ಇಲ್ಲದ ಕಡೆಯಿಂದ ಬಂದಿದ್ದೇನೆ, ಇಲ್ಲಿರುವುದಕ್ಕಿಂತ ಮನೆಯಲ್ಲಿ ಸುರಕ್ಷಿತವಾಗಿರುತ್ತೇನೆ, ಮನೆಯಲ್ಲೇ ಪ್ರತ್ಯೇಕವಾಗಿ ಇರಲು ವ್ಯವಸ್ಥೆ ಇದೆ, ಬೇಕಿದ್ದರೆ ಬಂದು ನೋಡಿಕೊಂಡು ಒಪ್ಪಿಗೆ ಕೊಡಿ… ಎಂದೆಲ್ಲ ಹೇಳಿ ಅಧಿಕಾರಿಗಳ ಮೇಲೆ ಒತ್ತಡ ಹೇರುತ್ತಿದ್ದಾರೆ. ಕೆಲವರಂತೂ ಇಲ್ಲಿ 14 ದಿನ ಉಳಿಯುವಷ್ಟರಲ್ಲಿ ಲಾಕ್ಡೌನ್ ಮುಗಿದರೆ ಮತ್ತೆ ಮರಳಬೇಕಾಗುತ್ತದೆ, ಜಿಲ್ಲೆಗೆ ಬಂದೂ ಊರಿಗೆ ಹೋಗಿಲ್ಲ ಎಂಬಂತಾಗುತ್ತದೆ. ಹೀಗಾಗಿ ಮನೆಗೆ ಹೋಗಲು ಬಿಡಿ ಎಂದು ಕೋರುತ್ತಾರೆ. ಇದಕ್ಕೆಲ್ಲ ಸೊಪ್ಪು ಹಾಕದ ಅಧಿಕಾರಿಗಳು, ಸಾಂಸ್ಥಿಕ ಅಥವಾ ವೈಯಕ್ತಿಕ ಖರ್ಚಿನಲ್ಲಿ ಕ್ವಾರಂಟೈನ್ನಲ್ಲಿ ಇರುವ ಆಯ್ಕೆ ನೀಡುತ್ತಿದ್ದಾರೆ.
