ಸಂಸ್ಥೆ ಕಾರ್ಯದರ್ಶಿ ನಿತಿನ್ ಎ. ನಾಯ್ಕ್ ಮಾತನಾಡಿ, ಸಂಸ್ಥೆಯಲ್ಲಿ ಪ್ರತಿ ವರ್ಷ ಟಾಪರ್ಗಳ ಅಂಕಗಳು ಏರುಗತಿಯಲ್ಲಿ ಸಾಗುತ್ತಿರುವುದು ಹೆಮ್ಮೆಯ ವಿಷಯ. ವಿದ್ಯಾರ್ಥಿಗಳ ಶ್ರಮ, ಸಂಸ್ಥೆಯ ಎಲ್ಲ ಸಿಬ್ಬಂದಿಯ ಕಾರ್ಯಶೈಲಿಯಿಂದ ಸಾಧನೆ ಸಾಧ್ಯವಾಗಿದೆ ಎಂದರು.
ಆಡಳಿತಾಧಿಕಾರಿ ನೇಹಾ ನಾಯ್ಕ್ ಮಾತನಾಡಿ, ವಿದ್ಯಾರ್ಥಿ ಜೀವನದಲ್ಲಿ ಹಲವು ಸವಾಲು, ಪ್ರಶ್ನೆಗಳು ಬರುತ್ತವೆ. ಶ್ರಮ, ಪ್ರಯತ್ನವಿಲ್ಲದೆ ಸಾಧನೆ ಅಸಾಧ್ಯ. ಹಿಂದಡಿ ಇಡದೆ ಮುಂದೆ ಸಾಗಬೇಕು. ಮೊಬೈಲ್ನಿಂದ ದೂರ ಇರಬೇಕು. ಉತ್ತಮ ವ್ಯಕ್ತಿತ್ವ ರೂಪಿಸಿಕೊಂಡು ಸಾಗಬೇಕು ಎಂದು ಹೇಳಿದರು.
ಪ್ರಾಂಶುಪಾಲ ವಿದ್ಯಾಸಾಗರ ಗೋಗಿ, ಸಂಸ್ಥೆ ಸದಸ್ಯರಾದ ಗುರುರಾಜ ಎ.ನಾಯ್ಕ್, ಮನಿಶಾ ನಾಯ್ಕ್, ನವನೀತ ನಾಯ್ಕ್ ಇತರರಿದ್ದರು. ಶಂಕರ ಬಾಳಿ ಅತಿಥಿ ಪರಿಚಯಿಸಿದರು. ಲತಾ, ವೈಷ್ಣವಿ ಸ್ವಾಗತಿಸಿದರು.
