ಖಾಸಗಿ ವಾಹನಗಳ ಸಂಪರ್ಕವೂ ಇಲ್ಲ: ರಾಂಪುರ ಗ್ರಾಪಂ ವ್ಯಾಪ್ತಿಯ ಗ್ರಾಮಕ್ಕೆ ಸುಸಜ್ಜಿತ ರಸ್ತೆಯಿಲ್ಲ. ಗ್ರಾಮ ಸಂಪರ್ಕಿಸಲು ಮೂರು ರಸ್ತೆಗಳೇನೋ ಇವೆ, ಆದರೆ ಅವು ವಾಹನ ಅಥವಾ ಜನಸಂಚಾರಕ್ಕೆ ಯೋಗ್ಯವಾಗಿಲ್ಲ. ಕಣ್ವ ರಸ್ತೆಯಲ್ಲಿ ನಿರ್ವಾಣವಾಗಿರುವ ಕೆಎಂಎಫ್ ಹಾಲಿನ ಪುಡಿ ತಯಾರಿಕಾ ಟಕದ ಮಗ್ಗುಲ್ಲಲ್ಲಿ ಇರುವ ಕಿರಿದಾದ ರಸ್ತೆಯಲ್ಲಿಯೇ ಈ ಗ್ರಾಮದ ಜನತೆ ತಿರುಗಾಡಬೇಕಿದೆ. ಮಕ್ಕಳು ಶಾಲೆ, ಅಂಗನವಾಡಿಗೆ, ನಗರಕ್ಕೆ ಬರುವವರು, ಹಾಲು ಹಾಕಲು ಡೇರಿಗೆ ಹೋಗಲು ಈ ರಸ್ತೆಯನ್ನೇ ಬಳಸಬೇಕಾಗಿದೆ. ಗ್ರಾಮಕ್ಕೆ ಸರ್ಕಾರಿ ಸಾರಿಗೆ ಸಂಪರ್ಕವಿರಲಿ, ಖಾಸಗಿ ವಾಹನಗಳ ಸಂಪರ್ಕವೂ ಇಲ್ಲ. ಸೈಕಲ್ ಹಾಗೂ ದ್ವಿಚಕ್ರ ವಾಹನಗಳೇ ಗ್ರಾಮದ ಜನತೆಯ ಸಂಚಾರ ಸಾಧನ. ಅದಿಲ್ಲದಿದ್ದರೆ ಕಾಲ್ನಡಿಗೆಯೇ ಗತಿ.
