ಮನೆ ಹಂಚಿಕೆಯಲ್ಲಿ ಏಕಾಧಿಪತ್ಯ: ಬಡವರಿಗೆ ಸೂರು ಕಲ್ಪಿಸುವ ನಿಟ್ಟಿನಲ್ಲಿ ಸರ್ಕಾರ ತಾಲೂಕಿಗೆ 1400 ಮನೆಗಳನ್ನು ನೀಡಿದೆ. ಅರ್ಹರನ್ನು ಗುರ್ತಿಸುವ ಸಲುವಾಗಿ ಪ್ರತಿ ಗ್ರಾಮ ಪಂಚಾಯಿತಿಯಲ್ಲಿ ಗ್ರಾಮಸಭೆ ಹಾಗೂ ವಾರ್ಡ್ ಸಭೆ ನಡೆಸಬೇಕೆಂಬ ನಿಯಮವನ್ನು ಮೀರಿ ಶಾಸಕರ ಮನೆಯಲ್ಲಿ ಸಿದ್ಧವಾಗುವ ಪಟ್ಟಿಗೆ ಗ್ರಾಮ ಪಂಚಾಯಿತಿ ಪಿಡಿಒ ಗಳು ಮುದ್ರೆ ಹೊತ್ತಿ ತಾಲೂಕು ಪಂಚಾಯಿತಿಗೆ ಕಳುಹಿಸಬೇಕು. ನಮ್ಮ ಬೆಂಬಲಿತ ಸದಸ್ಯರು ಕೇಳಿದ್ರೆ ಅವರಿಗೆ ಭೀಕ್ಷೆ ನೀಡುವಂತೆ ಒಂದೆರೆಡು ಮನೆ ನೀಡುತ್ತಾರೆ. ಗೌಡಗೆರೆ, ಎಂ.ಶಿವರ, ಮಟ್ಟನವಿಲೆ, ಕಾಂತರಾಜಪುರ ಸೇರಿ ನಾಲ್ಕೈದು ಪಂಚಾಯಿತಿಗಳಲ್ಲಿ ನಮ್ಮ ಸದಸ್ಯರಿಗೆ ಮನೆ ನೀಡದೇ ಚುನಾವಣೆಯಲ್ಲಿ ಸೋತ ಅವರ ಬೆಂಬಲಿತರಿಗೆ ಮನೆ ಹಂಚುವ ಅಧಿಕಾರ ನೀಡಿದ್ದಾರೆ ಎಂದು ಆರೋಪಿಸಿದರು.
