ಗದಗ
ಜೈನ ಸಮುದಾಯದ ಪವಿತ್ರ ಯಾತ್ರಾಸ್ಥಳ ಜಾರ್ಖಂಡ್ ರಾಜ್ಯದ "ಸಮ್ಮೇದ್ ಶಿಖಜಿರ್' ಕೇಂದ್ರವನ್ನು ತೀರ್ಥ ಕ್ಷೇತ್ರವೆಂದು ಸರ್ಕಾರ ಘೋಷಿಸಬೇಕೆಂದು ಆಗ್ರಹಿಸಿ ನಗರದ ಗಾಂಧಿ ವೃತ್ತದಲ್ಲಿ ಗುರುವಾರ ಪ್ರತಿಭಟನೆ ನಡೆಸಿದ ಹಿಂದೂ ಕಾರ್ಯಕರ್ತರು ಜಿಲ್ಲಾಧಿಕಾರಿ ಮೂಲಕ ಸರ್ಕಾರಕ್ಕೆ ಮನವಿ ಸಲ್ಲಿಸಿದರು.
ಮನವಿ ಸಲ್ಲಿಸಿ ಮಾತನಾಡಿದ ಹಿಂದೂ ಜನಜಾಗೃತಿ ಸಮಿತಿಯ ಬಸವಂತೆಪ್ಪ ದಾನಪ್ಪಗೌಡರ್, ಸಮ್ಮೇದ್ ಶಿಖರ್ಜಿ' ಯನ್ನು ಜೈನ ಸಮಾಜದ ಪವಿತ್ರ ಧಾಮಿರ್ಕ ಹಾಗೂ ಶಾಶ್ವತ ತೀರ್ಥಕ್ಷೇತ್ರ ಎಂದು ಪರಿಗಣಿಸಲಾಗಿದೆ. ಜೈನ ತತ್ವಶಾಸ್ತ್ರದ ಪ್ರಕಾರ 24 ತೀರ್ಥಂಕರಲ್ಲಿ 20 ತೀರ್ಥಂಕರರು ಈ ಸಮ್ಮೇದ್ ಶಿಖಜಿರ್' ಪರ್ವತದಲ್ಲಿ ಆಧ್ಯಾತ್ಮಿಕ ಸಾಧನೆ ಮಾಡುವ ಮೂಲಕ ಮೋಕ್ಷವನ್ನು ಪಡೆದರು. ಅದಕ್ಕಾಗಿಯೇ ಜೈನರು ಈ ಯಾತ್ರೆಯ ಬಗ್ಗೆ ಅಪಾರ ಗೌರವವನ್ನು ಹೊಂದಿದ್ದಾರೆ. ಇತ್ತೀಚೆಗೆ, ಜಾರ್ಖಂಡ್ ಸರ್ಕಾರವು ಪ್ರವಾಸೋದ್ಯಮವನ್ನು ಹೆಚ್ಚಿಸುವ ಹಿನ್ನೆಲೆ ವಾಣಿಜ್ಯ ಉದ್ದೇಶಕ್ಕಾಗಿ ಈ ಪವಿತ್ರ ಪ್ರದೇಶವನ್ನು ಅಭಿವೃದ್ಧಿಪಡಿಸಲು ಸುಗ್ರೀವಾಜ್ಞೆಯನ್ನು ಹೊರಡಿಸಿತ್ತು. ಅದರ ನಂತರ, ಜೈನ ಸಮಾಜದ ತೀವ್ರ ಆಂದೋಲನದ ಮೇಲೆ, ಕೇಂದ್ರ ಸರ್ಕಾರವು 2019 ರಲ್ಲಿ ಈ ಸಂಬಂಧ ನೀಡಲಾದ ಹಲವಾರು ಮಾಹಿತಿಯ ಮೂಲಗಳನ್ನು ಹಿಂತೆಗೆದುಕೊಳ್ಳುವುದಾಗಿ ಘೋಷಿಸಿತು. ಕೇಂದ್ರ ಸರ್ಕಾರದ ಈ ನಿರ್ಧಾರವನ್ನು ಹಿಂದೂ ಜನಜಾಗೃತಿ ಸಮಿತಿ ಸ್ವಾಗತಿಸುತ್ತದೆ. ಜೈನ ಸಮಾಜದ ದೃಷ್ಟಿಯಿಂದ ಈ ಸ್ಥಳವು ಬಹಳ ಮಹತ್ವದ್ದಾಗಿದೆ. ಹಿಂದೂ ಸಮಾಜಕ್ಕೆ ಅಯೋಧ್ಯೆ, ಮಥುರಾ, ಕಾಶೀ ಹೇಗೆ ಮುಖ್ಯಯೋ, ಅದೇ ರೀತಿಯಲ್ಲಿ ಸಮ್ಮೇದ್ ಶಿಖಜಿರ್ ದೇಗುಲವು ಜೈನ ಸಮುದಾಯಕ್ಕೆ ಧಾಮಿರ್ಕ ಮಹತ್ವವನ್ನು ಹೊಂದಿದೆ. ಹಾಗಾಗಿ ಕೇಂದ್ರ ಸರ್ಕಾರ ಈ ಕ್ಷೇತ್ರವನ್ನು ತೀರ್ಥ ಸ್ಥಳ' ಎಂದು ಘೋಷಿಸಬೇಕೆಂದು ಆಗ್ರಹಿಸಿದರು.
ಈ ಸಂದರ್ಭದಲ್ಲಿ ಹಿಂದೂ ಜನಜಾಗೃತಿ ಸಮಿತಿಯ ಜಯಶ್ರೀ ಹೆಬಸೂರು ಮತ್ತು ಇತರರು ಇದ್ದರು.
