ವಿಜಯಪುರ: ಜಾರ್ಖಂಡ ರಾಜ್ಯದ ಗಿರಡಿಯಾ ಜಿಲ್ಲೆಯಲ್ಲಿರುವ ಪಾರ್ಶ್ವನಾಥ ಪರ್ವತ(ಸಮ್ಮೇದ ಶಿಖರಜಿ) ಪವಿತ್ರ 20 ತೀರ್ಥಂಕರರು ಮೋಕ್ಷ ಹೊಂದಿರುವ ಪವಿತ್ರ ಸ್ಥಳವಾಗಿದೆ. ಇಂತಹ ಸ್ಥಳವನ್ನು ಜಾರ್ಖಂಡ್ ಸರಕಾರವು ಪ್ರವಾಸಿ ತಾಣ ವನ್ನಾಗಿ ಮಾಡಿದ್ದು , ಈ ಕುರಿತು ಆದೇಶವನ್ನು ಹೊರಡಿಸಿದೆ . ಇದರಿಂದ ಪಾರ್ಶ್ವನಾಥ ಪರ್ವತ್(ಸಮ್ಮೇದ ಶಿಖರಜಿ) ದ ಪಾವಿತ್ರ್ಯತೆ ಹಾಳಾಗುತ್ತಿದ್ದು , ಅದನ್ನು ಪಾರ್ಶ್ವನಾಥ ಎಕೋ ಸೆನ್ಸಲ್ಟಿಜೋನನ್ನು ರದ್ದು ಗೊಳಿಸಲು ಆಗ್ರಹಿಸಲಾಯಿತು. ವಿಜಯಪುರ ನಗರದ ಸಂಪೂರ್ಣ ಜೈನ್ ಸಮಾಜದ ವತಿಯಿಂದ ಎಲ್.ಬಿ.ಎಸ್ . ಮಾರುಕಟ್ಟೆ ಹಿಂದುಗಡೆ ಇರುವ ಜಗವಲ್ಲಬ ಜೈನ್ ಮಂದಿರದಿಂದ ಜಿಲ್ಲಾಧಿಕಾರಿಗಳ ಕಚೇರಿಯವರೆಗೆ ತಮ್ಮ ಅಂಗಡಿ ಮುಂಗಟ್ಟುಗಳನ್ನು ಬಂದ್ ಮಾಡಿ ಶಾಂತ ರೀತಿಯಿಂದ ಮೌನವಾಗಿ ಪಾದಯಾತ್ರೆ ಮಾಡಲಾಯಿತು. ಈ ಮೂಲಕ ಜಾರ್ಖಂಡ್ ಸರಕಾರದ ಮುಖ್ಯಮಂತ್ರಿಗಳಿಗೆ ಹಾಗೂ ರಾಜ್ಯಪಾಲಕರಿಗೆ ವಿಜಯಪುರ ಜಿಲ್ಲಾಧಿಕಾರಿಗಳ ಮುಖೇನ ಮನವಿ ಸಲ್ಲಿಸಲಾಯಿತು. ಈ ಸಂದರ್ಭದಲ್ಲಿ ಜೈನ್ ಸಮಾಜದ ಮುಖಂಡರಾದ ಪ್ರವೀಣ ಕಾಸರ, ಡಾ.ಕಿರಣ ಓಸ್ವಾಲ್, ಶೈಲೇಶ ಶಹಾ, ನಿಹಾಲಚಂದ ಪೋರವಾಲ, ದಯಾಲಾಲಜಿ ವಾಣಿಗೊಟಾ, ಬಾಬು ಅನಾಜೆ, ಜಂಬುಕುಮಾರ ಬಾಗೇವಾಡಿ, ಪ್ರಕಾಶ ಗೋಗಡಿ, ಸಂತೋಷ ಕವಟೇಕರ, ಸಂಜೀವ ಬಾಗೇವಾಡಿ, ಪ್ರವೀಣ ಕೇಸಿ ಇನ್ನಿತರರು ಉಪಸ್ಥಿತರಿದ್ದರು.
