ರಾಜೇಶ್ಗೌಡ, ಚಿದಾನಂದ ಗೌಡಗೆ ಸಚಿವಸ್ಥಾನ ಕೊಡಿ : ರಾಜ್ಯದಲ್ಲಿ ಕುಂಚಿಟಿಗ ಜನಾಂಗದ ಮತದಾರರು ಸುಮಾರು 18 ರಿಂದ 20 ವಿಧಾನಸಭೆ, 5 ಲೋಕಸಭಾ ಕ್ಷೇತ್ರಗಳಲ್ಲಿ ಹಾಗೂ ಸ್ಥಳೀಯ ಸಂಸ್ಥೆಗಳಲ್ಲಿ ಗಣನೀಯವಾಗಿ ನೆಲೆಸಿದ್ದು ಬಿಜೆಪಿ ಗೆಲುವಿನಲ್ಲಿ ಪ್ರಮುಖ ಪಾತ್ರವಹಿಸಿದ್ದಾರೆ. ಈ ಸಮುದಾಯದ ಶಿರಾ ಶಾಸಕ ಡಾ.ಸಿ.ಎಂ.ರಾಜೇಶ್ಗೌಡ ಹಾಗೂ ಎಂಎಲ್ಸಿ ಚಿದಾನಂದ್ ಎಂ.ಗೌಡರಿಗೆ ಕುಂಚಿಟಿಗ ಕೋಟಾದಡಿ ಸಚಿವ ಸ್ಥಾನಕ್ಕೆ ಪರಿಗಣಿಸುವಂತೆ ಸಿಎಂ ಬಸವರಾಜ ಬೊಮ್ಮಾಯಿ ಅವರನ್ನು ಕುಂಚಿಟಿಗ ಒಕ್ಕಲಿಗ ವಿದ್ಯಾಭಿವೃದ್ಧಿ ಸಂಘ ಆಗ್ರಹಿಸಿದೆ. ಈ ಉತ್ಸಾಹಿ ಯುವಕರಿಬ್ಬರಿಗೆ ಸೂಕ್ತ ಸ್ಥಾನ ಮಾನ ನೀಡಿ ಜನಾಂಗದ ಮತ್ತು ದುರ್ಬಲ ಜನಾಂಗದವರ ಏಳಿಗೆಗೆ ಸಹಕಾರಿಯಾಗಬೇಕೆಂದು ಸಿಎಂಗೆ ಕುಂಚಿಟಿಗ ಜನಾಂಗದ ಪರವಾಗಿ ಒಕ್ಕೊರಲ ಆಗ್ರಹಪೂರ್ವಕ ಮನವಿಯನ್ನು ಕಾರ್ಯಾಧ್ಯಕ್ಷ ಆರ್. ಕಾಮರಾಜ್, ಉಪಾಧ್ಯಕ್ಷ ವೈ.ಆರ್. ವೇಣುಗೋಪಾಲ್ ಪ್ರಕಟಣೆ ಮೂಲಕ ಮಾಡಿದ್ದಾರೆ.
