ಹುಕ್ಕೇರಿ: ಜಿಲ್ಲೆಯಲ್ಲಿ ಭಾರತೀಯ ಜನತಾ ಪಕ್ಷದ ಬೆಳವಣಿಗೆಗೆ ಹಗಲಿರುಳು ಶ್ರಮಿಸಿದ ಮತ್ತು ಕೇಂದ್ರ ಸರ್ಕಾರದಲ್ಲಿ ರೈಲ್ವೆ ಖಾತೆ ಸಚಿವರಾಗಿ ಜಿಲ್ಲೆಗೆ ಅಪಾರ ಕೊಡುಗೆ ನೀಡಿದ ಕೇಂದ್ರ ಸಚಿವ ದಿ.ಸುರೇಶ ಅಂಗಡಿ ಅವರ ಕನಸನ್ನು ನನಸು ಮಾಡಲು ನೂತನ ಸಂಸದೆ ಮಂಗಲ ಅಂಗಡಿ ಶ್ರಮಿಸುತ್ತಾರೆ ಎಂದು ಬಿಡಿಸಿಸಿ ಬ್ಯಾಂಕ್ ಅಧ್ಯಕ್ಷ ರಮೇಶ ಕತ್ತಿ ಹೇಳಿದರು. ಬೆಳಗಾವಿಯಲ್ಲಿ ಬುಧವಾರ ಸಂಸದೆ ಮಂಗಲ ಅಂಗಡಿ ಅವರನ್ನು ಅಭಿನಂದಿಸಿ ಮಾತನಾಡಿದ ಅವರು, ನಾನು ಸಂಸದನಾಗಿದ್ದ ಸಂದರ್ಭದಲ್ಲಿ ನನ್ನ ಜತೆಗೆ ಸಂಸದರಾಗಿದ್ದ ಸುರೇಶ ಅಂಗಡಿ ಅವರ ಪ್ರಾಮಾಣಿಕ ಮತ್ತು ಸರಳ ನಡೆ-ನುಡಿ ನನಗೆ ಆದರ್ಶವಾಗಿತ್ತು. ಅವರಲ್ಲಿದ್ದ ಜನಪರ ಚಿಂತನೆ ಮತ್ತು ಬಿಜೆಪಿ ಬಲಿಷ್ಠಗೊಳಿಸುವ ಯೋಚನೆ ಇತರರಿಗೆ ಆದರ್ಶಪ್ರಾಯ ಎಂದರು.
