ಕಳೆದ ವಾರದ ಸಂತೆಯಲ್ಲಿ ಕ್ವಿಂಟಾಲ್ಗೆ 6 ಸಾವಿರ ರೂ. ಇದ್ದ ಹುರುಳಿ ಬೆಲೆ ಈ ವಾರ ಮೈಸೂರು ಮಾರುಕಟ್ಟೆಯಲ್ಲಿ 5150 ಕ್ಕೆ ನಿಗದಿಯಾಗಿದ್ದರೂ ಇಲ್ಲಿ 4 ಸಾವಿರಕ್ಕೂ ಖರೀದಿಸಲು ಮುಂದಾಗದಿರುವುದು ಬೆಳೆಗಾರರನ್ನು ಕೆರಳಿಸಿತು. ಈ ಬಾರಿ ಅತಿ ಹೆಚ್ಚಿನ ಮಳೆ ಬಿದ್ದಿದ್ದರಿಂದ ಎಲ್ಲ ಬೆಳೆಗಳೂ ನಾಶವಾಗಿದ್ದು, ಸದ್ಯ ಜೀವನೋಪಾಯಕ್ಕೆ ಹುರುಳಿ ಒಂದೇ ಆಧಾರವಾಗಿದೆ. ಇಂಥ ಸಂದರ್ಭದಲ್ಲಿ ವ್ಯಾಪಾರಿಗಳು ಅಡ್ಡಾದಿಡ್ಡಿ ಬೆಲೆಗೆ ಖರೀದಿಸುವ ಸಲುವಾಗಿ ಹರಾಜು ಮಾಡದೆ ರೈತರಿಗೆ ಅನ್ಯಾಯ ಮಾಡುತ್ತಿದ್ದಾರೆ. ಇತ್ತೀಚೆಗೆ ಹುರುಳಿ ಕಟಾವು ಆರಂಭವಾಗಿದ್ದರೂ ಆರಂಭದಲ್ಲಿಯೇ ಕಡಿಮೆ ಬೆಲೆ ನಿಗದಿಪಡಿಸಲು ಹುನ್ನಾರ ನಡೆಸಿದ್ದಾರೆ ಎಂದು ಆಕ್ರೋಶ ವ್ಯಕ್ತಪಡಿಸಿದರು.
