ಶ್ರೀ ಸಾಯಿ ಆಗ್ರೋಗೆ ಅತ್ಯುತ್ತಮ ಎಂಎಸ್​ಎಂಇ ಪ್ರಶಸ್ತಿ

ವಿಜಯವಾಣಿ ಸುದ್ದಿಜಾಲ ಹುಬ್ಬಳ್ಳಿ:

ಬೆಂಗಳೂರಿನಲ್ಲಿ ಇತ್ತೀಚೆಗೆ ಆಯೋಜಿಸಿದ್ದ ಜಾಗತಿಕ ಬಂಡವಾಳ ಹೂಡಿಕೆದಾರರ ಸಮಾವೇಶ (ಜಿಮ್​ದಲ್ಲಿ ಇಲ್ಲಿಯ ತಾರಿಹಾಳದ ಶ್ರೀ ಸಾಯಿ ಆಗ್ರೋ ಇಕ್ವೀಪಮೆಂಟ್ಸ್ ಪ್ರೖೆವೇಟ್ ಲಿಮಿಟೆಡ್ ಧಾರವಾಡ ಜಿಲ್ಲೆಯಲ್ಲಿ ಅತ್ಯುತ್ತಮವಾಗಿ ಕಾರ್ಯನಿರ್ವಹಿಸುತ್ತಿರುವ ಎಂಎಸ್​ಎಂಇ (ಸೂಕ್ಷ್ಮ, ಸಣ್ಣ ಮತ್ತು ಮಧ್ಯಮ ಉದ್ಯಮ) ಪ್ರಶಸ್ತಿ ಪಡೆದಿದೆ.

ರಾಜ್ಯಪಾಲ ಥಾವರಚಂದ್ ಗೆಹಲೂತ್ ಅವರಿಂದ ಕಂಪನಿಯ ಕಾರ್ಯನಿರ್ವಾಹಕ ನಿರ್ದೇಶಕ ಮಾಲತೇಶ ನಿರಂಜನ್ ಪ್ರಶಸ್ತಿ ಸ್ವೀಕರಿಸಿದರು. ನಾರಾಯಣ ನಿರಂಜನ, ಉಪ ಮುಖ್ಯಮಂತ್ರಿ ಡಿ.ಕೆ. ಶಿವಕುಮಾರ, ಸಚಿವರಾದ ಎಂ.ಬಿ. ಪಾಟೀಲ, ರಾಮಲಿಂಗಾರೆಡ್ಡಿ, ಚೆಲುವರಾಯಸ್ವಾಮಿ, ಕೈಗಾರಿಕಾ ಇಲಾಖೆ ಕಾರ್ಯದರ್ಶಿ ರಮಣದೀಪ ಚೌಧರಿ, ಇತರರು ಇದ್ದರು.

ಶ್ರೀ ಸಾಯಿ ಆಗ್ರೋ ಇಕ್ವೀಪಮೆಂಟ್ಸ್ ಪ್ರೖೆವೇಟ್ ಲಿಮಿಟೆಡ್, ದಕ್ಷಿಣ ಭಾರತದಲ್ಲಿಯೇ ಕೃಷಿ ಉಪಕರಣಗಳ ತಯಾರಕರಾಗಿದ್ದಾರೆ.