ಜೈ-ಜೈ ಮಾತಾ ಶಾರದಾಮಾತಾ, ಎಂಥ ಚೆಂದ ಎಂಥ ಅಂದ ಶಾರದಮ್ಮ ಎಂದು ಭಕ್ತಿಭಾವದಿಂದ ಮೆರವಣಿಗೆಯಲ್ಲಿ ಸಾಗಿ ಬಂದ ಭಜನಾಮಂಡಳಿಗಳು, ವಿಶ್ವಕರ್ಮ ಗೆಳೆಯರ ಬಳಗ ಅವರ ಗೀತೋಪದೇಶ, ಗುತ್ಯಮ್ಮ ಕನ್ಸ್ಸ್ಟ್ರಕ್ಸನ್ ಅವರ ದೇವಿ ಅವತಾರಗಳು.ನಲ್ಲೂರು ಶ್ರೀ ಬ್ರಹ್ಮಲಿಂಗೇಶ್ವರ ಸಿದ್ಧಿವಿನಾಯಕ ದೇವಸ್ಥಾನದಿಂದ ದೇವಿಯ ಅವತಾರ. ಸೋಮಲಾಪುರ ಅವರ ನಾಸಿಕ್ ಬ್ಯಾಂಡ್, ಜಯಪುರ ಕಲಾತಂಡದ ಹುಲಿವೇಷ ಕುಣಿತ, ವೈಕುಂಠಪುರ ಸಾಂಸ್ಕೃತಿಕ ಬಳಗದ ಮರಗಾಲು ಕುಣಿತ, ನಾಟ್ಯ ವೈಭವ ನೃತ್ಯ ಅಕಾಡೆಮಿ ಅವರ ಮಹಿಷಾಸುರ ಮರ್ಧಿನಿ ಸ್ತಬ್ಧಚಿತ್ತ, ರಕ್ತೇಶ್ವರಿ ರಮೇಶ್ ಹಾಗೂ ತಂಡದವರು ಸಮರ್ಪಿಸಿದ ತ್ರಿವೇಣಿ ಮಹಾಸ್ತೋತ್ರ ಮಹಾಸಂಗಮ, ಜಯಭಾರತೀ ವಿದ್ಯಾಲಯದ ಕಪ್ಪೆಗೆ ನೆರಳು ನೀಡಿದ ಹಾವಿನ ಸ್ತಬ್ಧ ಚಿತ್ರ, ಕುಂಬಾರ ಮಡಕೆ ಮಾಡುವ ದೃಶ್ಯ, ಕನ್ನಡ ಮತ್ತು ಸಂಸ್ಕೃತಿ ಇಲಾಖೆ ಪ್ರಾಯೋಜಕತ್ವದಲ್ಲಿ ಭಾಗವಹಿಸಿದ ಜಾನಪದ ಕಲಾತಂಡಗಳು ಉತ್ಸವಕ್ಕೆ ಮೆರುಗು ನೀಡಿದವು. 42ಕ್ಕೂ ಹೆಚ್ಚು ಸ್ತಬ್ಧ ಚಿತ್ರಗಳು, 20 ಕಲಾತಂಡಗಳು ಮಹಾರಥೋತ್ಸವದಲ್ಲಿ ಭಾಗಿಯಾಗಿದ್ದವು.
