ಸಮಾವೇಶ ಯಶಸ್ಸಿಗೆ ಕರೆ: ಮುರುಘೕಂದ್ರ ಬೃಹನ್ಮಠದ ಮೂಲಕ ಸಂಘಟನೆಗಳು ಶ್ರಮಿಸುತ್ತ ಬಂದಿದ್ದು, ನಾಡಿನಾದ್ಯಂತ ಬಸವ ಕೇಂದ್ರಗಳು ಬಸವ ತತ್ತ್ವ ಪ್ರಸಾರ ಮತ್ತು ಪ್ರಯೋಗವನ್ನು ಕಾಯಕ ಎಂಬಂತೆ ನಡೆಸಿಕೊಂಡು ಬಂದಿದ್ದರಿಂದ ಎಲ್ಲೆಡೆ ಬಸವಪ್ರಜ್ಞೆ ಜಾಗ್ರತವಾಗುತ್ತದೆ. ಮಹಾಮನೆ ಶರಣಸಂಗಮ, ಶರಣ ಸಂಸ್ಕೃತಿ ಉತ್ಸವ, ವಚನ ಕಮ್ಮಟ, ಬಸವಶ್ರೀ ಪ್ರಶಸ್ತಿ, ಬಸವತತ್ತ್ವ ಮಹಾವಿದ್ಯಾಲಯ, ಬಸವತತ್ತ್ವ ಸಮಾವೇಶ, ಅಂತಾರಾಷ್ಟ್ರೀಯ ಏಕತಾ ಶರಣ ಮೇಳ ಇತ್ಯಾದಿಗಳಿಂದ ಬಸವ ಕಲ್ಪಿತ ಸಮಸಮಾಜ ರಚನೆಗೆ ಅವಕಾಶ ಮಾಡಿಕೊಡಲಾಗಿದೆ. ಸಮಾರಂಭದಲ್ಲಿ ರಾಜ್ಯ, ರಾಷ್ಟಮಟ್ಟದ ಧಾರ್ವಿುಕ ಮುಖಂಡರು, ಸಂತರು, ಸರ್ವ ಜನಾಂಗದ ಸ್ವಾಮಿಗಳು ಹಾಗೂ ಶಾಖಾಮಠಗಳ ಚರಮೂರ್ತಿಗಳಲ್ಲದೆ ಜನನಾಯಕರು, ಚಿಂತಕರು ಮತ್ತು ಕಲಾವಿದರು ಭಾಗವಹಿಸಲಿದ್ದಾರೆ. ಬಸವ ಭಕ್ತರು, ಬಸವಾಭಿಮಾನಿಗಳು ಹಾಗೂ ಸಮಸ್ತ ಸಮುದಾಯದವರು ಪಾಲ್ಗೊಂಡು ಸಮಾವೇಶ ಯಶಸ್ವಿಗೊಳಿಸಬೇಕು ಎಂದು ಮುರುಘಾ ಶರಣರು ತಿಳಿಸಿದರು.
