ಗುರುವಾರ ಛಾಯಾದೇವಿ, ಸೂರ್ಯನಾರಾಯಣಸ್ವಾಮಿ ಸ್ಥಿರಬಿಂಬ ಪ್ರತಿಷ್ಠಾಪನೆ: ಆ.15ರಂದು ಬೆಳಗಿನ ಜಾವ 5.50 ರಿಂದ 6.20 ರವರೆಗಿನ ಕುಂಭ ಲಗ್ನದಲ್ಲಿ ಶ್ರೀಛಾಯಾದೇವಿ ಹಾಗೂ ಬೆಳಗ್ಗೆ 6.32 ರಿಂದ 7.15 ರ ಸಿಂಹ ಲಗ್ನದಲ್ಲಿ ಶ್ರೀ ಸೂರ್ಯನಾರಾಯಣಸ್ವಾಮಿ ಸ್ಥಿರಬಿಂಬ ಪ್ರತಿಷ್ಠಾಪನೆಯ ಧಾರ್ಮಿಕ ಪೂಜಾ ಕೈಂಕರ್ಯಗಳೊಂದಿಗೆ ಜರುಗಲಿದೆ. ಅಂದು ಕುಂಭಾರಾಧನೆ, ಗಣಪತಿ ಹೋಮ, ನ್ಯಾಸ ಹೋಮ, ಪ್ರಾಣ ಪ್ರತಿಷ್ಠಾ ಹೋಮಗಳು, ತತ್ವನ್ಯಾಸ ಹೋಮ, ನಯನೋನ್ಮಿಲ, ಮೂಲ ಮೂರ್ತಿ ಹೋಮ, ಸೂರ್ಯನಾರಾಯಣ ಹೋಮ, ಗ್ರಾಮ ದೇವತಾ ಹೋಮ, ಧರ್ಮಶನೈಶ್ಚರಸ್ವಾಮಿಗೆ ತಿಲಜ್ಯ ಹೋಮ, ಹೋಮಕುಂಡ ಬಲಿಪ್ರಧಾನ, ಮಹಾಪೂರ್ಣಾಹುತಿ, ಗ್ರಾಮ ಪ್ರದಕ್ಷಿಣೆ, ಧರ್ಮಶನೈಶ್ಚರಸ್ವಾಮಿ ವಿಮಾನ ಗೋಪುರಕ್ಕೆ ಕುಂಭಾಭಿಷೇಕ, ಅಲಂಕಾರ, ಗೋಪೂಜೆ, ಗೋದರ್ಶನ, ಪಂಚಕನ್ಯೆಯರ ದರ್ಶನ, ದೀಪ ದರ್ಶನ, ಕದಲಿ ಛೇದನ, ಕೂಷ್ಮಾಂಡ ಛೇದನ, ದರ್ಪಣ ದರ್ಶನ, ಮಹಾಸಂಕಲ್ಪ, ಅಷ್ಠೋತ್ತರ, ಮಹಾನೈವೇದ್ಯ, ಅಷ್ಟಾವಧಾನ ಸೇವೆ, ರಾಜೋಪಚಾರಸೇವೆ, ಮಹಾಮಂಗಳಾರತಿ ಹಾಗೂ ತೀರ್ಥಪ್ರಸಾದ ವಿನಿಯೋಗ ಕಾರ್ಯಕ್ರಮಗಳು ನಡೆಯಲಿದೆ. ಮಧ್ಯಾಹ್ನ ಸಾವಿರಾರು ಭಕ್ತಾದಿಗಳಿಗೆ ಅನ್ನಸಂತರ್ಪಣೆ ಏರ್ಪಡಿಸಲಾಗಿದ್ದು, ಭಕ್ತರು ಹೆಚ್ಚಿನ ಸಂಖ್ಯೆಯಲ್ಲಿ ಆಗಮಿಸಿ ದೇವರ ಕೃಪೆಗೆ ಪಾತ್ರರಾಗಬೇಕೆಂದು ಶ್ರೀಶನೈಶ್ಚರಸ್ವಾಮಿ ಸೇವಾ ಸಮಿತಿ ಪದಾಧಿಕಾರಿಗಳು ಮನವಿ ಮಾಡಿದ್ದಾರೆ.
