ಸುತ್ತಮುತ್ತಲಿನ ಹಲವು ಗ್ರಾಮಗಳು, ಯುವಕ ಸಂಘಗಳ ಗಣೇಶೋತ್ಸವಕ್ಕೆ ಇವರು ತಯಾರಿಸಿದ ವಿಗ್ರಹಗಳಿಗೆ ಬಹು ಬೇಡಿಕೆ ಇದೆ. ಗ್ರಾಹಕರ ಬೇಡಿಕೆಯ ಸಂಖ್ಯೆಗೆ ಅನುಸಾರವಾಗಿ ವಿಗ್ರಹ ನಿರ್ಮಿಸುತ್ತಾರೆ. ಈ ವರ್ಷದ ಆಕರ್ಷಣೆಯಾಗಿ ನವಿಲು, ಹಸು, ಹಂಸಪಕ್ಷಿ, ಆನೆ, ಸಿಂಹ, ಹುಲಿ, ಕಮಲದ ಹೂವು, ಹಣ್ಣು- ಕಾಯಿ, ನಾಗರಹಾವು, ಶಂಖ, ಚಕ್ರ ಇತ್ಯಾದಿ ಸಹಿತ ಗಣೇಶ ವಿಗ್ರಹಗಳು ಮನಸೂರೆಗೊಳ್ಳುವಂತಿವೆ. ಝರಿ ಪೇಟ ಧರಿಸಿದ ಗಣಪ, ಕೊಳಲು, ಡಮರು, ಚಂಡೆ ಇತ್ಯಾದಿ ವಾದ್ಯ ಸಹಿತ ಗಣಪ ಆಕರ್ಷಕವಾಗಿ ಮೂಡಿಬಂದಿವೆ. ಸುಮಾರು 20ಕ್ಕೂ ಅಕ ಗೌರಿ ವಿಗ್ರಹಗಳನ್ನೂ ತಯಾರಿಸಿದ್ದಾರೆ. ಅರ್ಧ ಅಡಿಯಿಂದ ಐದು ಅಡಿ ಎತ್ತರದವರೆಗಿನ ವಿಗ್ರಹಗಳನ್ನು ಇವರು ಸಿದ್ಧಪಡಿಸಿದ್ದಾರೆ.
