ನಿಚ್ಚನಬಂಡಹಳ್ಳಿ ಎನ್.ವಿ.ವೆಂಕಟೇಶ್ ಗುಡಿಬಂಡೆ
ಗುತ್ತಿಗೆದಾರನ ನಿರ್ಲಕ್ಷ್ಯದಿಂದ ಲಕ್ಷಾಂತರ ರೂಪಾಯಿ ಖರ್ಚು ಮಾಡಿ ನಿಮಿರ್ಸಿರುವ ಉದ್ಯಾನವನದಲ್ಲಿ ಈಗ ಪಾರ್ಥೇನಿಯಂ ಗಿಡಗಳು ಬೆಳೆದು ವಿಷಸರ್ಪಗಳ ತಾಣವಾಗಿ ಮಾರ್ಪಾಟಾಗಿದೆ.
ಗುಡಿಬಂಡೆ ಪಟ್ಟಣದ 11ನೇ ವಾರ್ಡ್ನ ಪೊಲೀಸ್ ಠಾಣೆ ಹಿಂಭಾಗದ ನಾರೇಪ್ಪ ಬಡವಾಣೆಯಲ್ಲಿ ಪಟ್ಟಣ ಪಂಚಾಯಿತಿಯ 20 ಲಕ್ಷಕ್ಕೂ ಹೆಚ್ಚು ಅನುದಾನದಲ್ಲಿ ಸ್ವಾತಂತ್ರ ಹೋರಾಟಗಾರ ಜಿ.ಪಿ.ಆವುಲಕೊಂಡಪ್ಪ ಉದ್ಯಾನವನ್ನು ಎರಡು ವರ್ಷಗಳ ಹಿಂದೆ ನಿಮಿರ್ಸಲಾಗಿದೆ. ಈ ಉದ್ಯಾನವದಲ್ಲಿ ಮಕ್ಕಳು ಆಟ ಆಡಲು ಮತ್ತು ಹಿರಿಯ ನಾಗರಿಕರ ವ್ಯಾಯಾಮಕ್ಕೆ ಅನುಕೂಲವಾಗುವ ಅಗತ್ಯ ವ್ಯವಸ್ಥೆ ಮಾಡಲಾಗಿತ್ತು. ಆದರೆ ಈ ಸಲಕರಣೆ ಸಂರ್ಪೂಣ ಕಳಪೆಯಾಗಿದೆ. ಈ ಸಲಕರಣೆಗಳು ಅಳವಡಿಸಿದ ಕೆಲವು ತಿಂಗಳುಗಳು ಮಾತ್ರ ಪಟ್ಟಣದ ಹಲವು ವಾರ್ಡ್ಗಳಿಂದ ಈ ಉದ್ಯಾನವನಕ್ಕೆ ಬಂದು ತಮ್ಮ ಮಕ್ಕಳನ್ನು ಆಟವಾಡಿಸುತ್ತಾ ಜತೆಗೆ ತಾವು ಸಹ ವಾಕಿಂಗ್ ಮಾಡಿಕೊಂಡು ಹೋಗುತ್ತಿದ್ದರು. ಗುತ್ತಿಗೆದಾರನ ತೀವ್ರ ನಿರ್ಲಕ್ಷವಹಿಸಿದ್ದು, ಉದ್ಯಾನವನ್ನು ಸರಿಯಾಗಿ ನಿರ್ವಹಿಸದೇ ಉದ್ಯಾನವನದ ತುಂಬಾ ಪಾಥೇನಿಯಂ ಗಿಡಗಳು ಬೆಳೆದು ನಿಂತಿವೆ ಇದರ ಜತೆಗೆ ವಿಷ ಸರ್ಪಗಳು ಸೇರಿಕೊಂಡಿದ್ದು, ಈಗ ಜನರು ಉದ್ಯಾನವನದ ಒಳಗಡೆ ಹೋಗಲು ಮತ್ತು ತಮ್ಮ ಮಕ್ಕಳನ್ನು ಕಳುಹಿಸಲು ಹಿಂಜರಿಯುತ್ತಿದ್ದಾರೆ. ರಾತ್ರಿ ವೇಳೆ ಈ ಉದ್ಯಾನವನ ಕುಡುಕರ ಅಡ್ಡವಾಗಿ ಮಾರ್ಪಾಡಾಗಿದ್ದು, ಕುಡಿದು ಬಟೇಲ್ಗಳನ್ನು ಅಲ್ಲೆ ಒಡೆದುಹಾಕಿ ಸಾರ್ವಜನಿಕರಿಗೆ ಅನಾನುಕೂಲ ಮಾಡುತ್ತಿದ್ದಾರೆ. ಇದರ ಬಗ್ಗೆ ಅಧಿಕಾರಿಗಳು ಗಮನ ಕೊಡದೇ ಇರುವುದು ಸಾರ್ವಜನಿಕರ ಆಕ್ರೋಶಕ್ಕೆ ಕಾರಣವಾಗಿದೆ.
ಪಟ್ಟಣ ಪಂಚಾಯಿತಿ ಅಧಿಕಾರಿಗಳು ಸಹ ಉದ್ಯಾನವನವನ್ನು ಸರಿಯಾಗಿ ನಿರ್ವಹಣೆ ಮಾಡದ ಗುತ್ತಿಗೆದಾರನ ವಿರುದ್ಧ ಕ್ರಮ ಜರುಗಿಸದೇ ನಿರ್ಲಕ್ಷ ವಹಿಸುತ್ತಿರುವುದು ಅಧಿಕಾರಿಗಳ ಮತ್ತು ಗುತ್ತಿಗೆದಾರನ ಒಳ ಒಪ್ಪಂದಗಳು ಇವೆ ಎಂಬ ಮಾತುಗಳು ಸಾರ್ವಜನಿಕ ವಲಯದಲ್ಲಿ ಸದ್ದು ಮಾಡುತ್ತಿದೆ.
