ಬಸ್ತಿಮಠದಲ್ಲಿ ಸ್ವಸ್ತಿಶ್ರೀಗಳ ಪರಂಪರಾಗತ ಸದ್ದರ್ಮ ಸಿಂಹಾಸನ ಪೀಠಾರೋಹಣ ಮಾಡಿ ಧರ್ಮೋಪದೇಶ ನೀಡಿ, ಕಲಿಯುಗದಲ್ಲಿ ಏರಿಳಿತಗಳು, ಸುಖ, ಕಷ್ಟ ಸಾಮಾನ್ಯವಾಗಿರುತ್ತದೆ. ಇದನ್ನು ಉತ ಸರ್ಪಿಣಿ ಮತ್ತು ಅವ ಸರ್ಪಿಣಿ ಎಂದು ಕರೆಯಲಾಗುವುದು. ಇಂತಹ ಸಮಯದಲ್ಲಿ ಜಗನ್ಮಾತೆ ಜ್ವಾಲಾಮಾಲಿನಿ ದೇವಿಯ ಅನುಗ್ರಹವಿರುತ್ತದೆ ಎಂದರು. ಕ್ಷೇತ್ರದ ಎಲ್ಲ ದೇವಾಲಯಗಳಲ್ಲಿ ವಿಶೇಷ ಪೂಜೆ ನಡೆಯಿತು. ಕ್ಷೇತ್ರದ ಬಸದಿಗಳಲ್ಲಿ ಪಂಚಾಮೃತ ಅಭಿಷೇಕ ನಡೆಯಿತು. ನಂತರ ಪೂರ್ವ ಪಟ್ಟಾಧೀಶರ ನಿಷಿದಿಯ ಪಾದುಕೆ ಪೂಜೆ ಮತ್ತು ಶ್ರೀಗಳಿಂದ ಪೂರ್ವಾಚಾರ್ಯರ ಪಾದುಕೆಗಳ ಅಷ್ಟದ್ರವ್ಯಾರ್ಚನೆ ಪೂಜೆ ನಡೆಯಿತು. ಪೀಠಾರೋಹಣ ಬಳಿಕ ಶ್ರೀಗಳ ಪಾದಪೂಜೆ ನಡೆಯಿತು. ಸಂಜೆ ರಾಜಬೀದಿಯಲ್ಲಿ ಶ್ರೀ ಜ್ವಾಲಾಮಾಲಿನಿ ಅಮ್ಮನವರ ಉತ್ಸವ ನಡೆಯಿತು.
