ಏನಿದು ಪ್ರಕರಣ?: ಶೆಟ್ಟಿಹಳ್ಳಿಯಲ್ಲಿ ವಾಹನ ಚಾಲಕನಾಗಿದ್ದ ಶಂಕರ್ ಪತ್ನಿಯನ್ನು ತೊರೆದು ಕೋನಾಪುರದ ನರೇಶ್ ಎಂಬುವವರ ಮೊದಲ ಪತ್ನಿ ಶೋಭಾ ಅವರ ಜತೆ ಸ್ನೇಹ ಬೆಳೆಸಲು ಮುಂದಾಗಿದ್ದ. ಅ.19ರಂದು ಶೋಭಾ ಹಾಗೂ ನರೇಶ್ನ 2ನೇ ಪತ್ನಿ ಹೊಲದಲ್ಲಿ ನೆಲಗಡಲೆ ಕೀಳಲು ಹೋಗಿದ್ದರು. ಸಂಜೆಯಾಗುತ್ತಿದ್ದಂತೆ 2ನೇ ಪತ್ನಿ ಹಸುಗಳನ್ನು ಎಳೆದುಕೊಂಡು ಮನೆಗೆ ಹೋಗಿದ್ದರು. ಈ ವೇಳೆ ಕಂಠಪೂರ್ತಿ ಕುಡಿದು ಬಂದಿದ್ದ ಶಂಕರ್ ಶೋಭಾಳನ್ನು ಸಂಪರ್ಕ ಹೊಂದುವಂತೆ ಪೀಡಿಸಿದ್ದಾನೆ. ಆಕೆ ನಿರಾಕರಿಸಿದಾಗ ಕುತ್ತಿಗೆೆ ಬಿಗಿದು ಕೊಲೆ ಮಾಡಿ, ಅತ್ಯಾಚಾರ ಎಸಗಿ ಪರಾರಿಯಾಗಿದ್ದ. ರಾತ್ರಿಯಾದರೂ ಶೋಭಾ ಮನೆಗೆ ಬಾರದ ಹಿನ್ನೆಲೆಯಲ್ಲಿ ಆತಂಕಗೊಂಡ ನರೇಶ್ ಹೊಲದ ಬಳಿ ಹುಡುಕಿದಾಗ ಶವ ಪತ್ತೆಯಾಗಿತ್ತು.ಗ್ರಾಮಾಂತರ ಠಾಣೆ ಸರ್ಕಲ್ ಇನ್ಸ್ಪೆಕ್ಟರ್ ಕೆ.ಎನ್.ಶ್ರೀನಿವಾಸಪ್ಪ, ಬಟ್ಲಹಳ್ಳಿ ಠಾಣೆ ಪಿಎಸ್ಐ ಪಾಪಣ್ಣ ಹಾಗೂ ಸಿಬ್ಬಂದಿಯನ್ನು ಎಸ್ಪಿ ಜಿ.ಮಿಥುನ್ ಕುಮಾರ್ ಅಭಿನಂದಿಸಿದ್ದಾರೆ.
