ಸ್ಪತ್ಪಾಲ್ ವರ್ಮಾ ಮೆಟಿರಿಯಲ್ ಪೂರೈಕೆ ಮಾಡುವ ಖಾಸಗಿ ಕಂಪನಿಯಲ್ಲಿ ಮ್ಯಾನೇಜರ್ ಆಗಿದ್ದಾರೆ. ಸೆ.26ರಂದು ದೆಹಲಿಯಿಂದ ಬಟ್ಟೆಗಳು, ಚಪ್ಪಲಿಗಳು, ಟೈಲ್ಸ್ ಹಾಗೂ ಸೊಳ್ಳೆಬತ್ತಿಗಳನ್ನು ಲಾರಿಯಲ್ಲಿ ಸುಧಾಮನಗರದಲ್ಲಿರುವ ಗೋಡೌನ್ಗೆ ತರಲಾಗಿತ್ತು. ಅಶ್ವಾನಿ ಕುಮಾರ್ ಲಾರಿ ಚಾಲನೆ ಮಾಡಿಕೊಂಡು ಬಂದಿದ್ದು, ಈತನ ಜತೆಯಲ್ಲಿ ಕ್ಲೀನರ್ ರಾಜ್ಕಿಶೋರ್ ಸಹ ಇದ್ದನು. ಲಾರಿಯಲ್ಲಿದ್ದ ವಸ್ತುಗಳನೆಲ್ಲಾ ಅನ್ಲೋಡ್ ಮಾಡಿ ಲಾರಿಯನ್ನು ಹಿಂತೆಗೆದುಕೊಳ್ಳುತ್ತಿದ್ದಾಗ ರಾಜ್ಕಿಶೋರ್ ಲಾರಿಯ ಹಿಂಭಾಗ ಹಿಡಿದುಕೊಂಡು ಕೈ ಸನ್ನೆ ಮಾಡುತ್ತಿದ್ದ. ಆ ವೇಳೆ ಮೇಲೆ ಹರಿದು ಹೋಗುತ್ತಿದ್ದ ವಿದ್ಯುತ್ ತಂತಿಗೆ ಲಾರಿಯ ಒಂದು ಭಾಗ ತಾಗಿತ್ತು. ಪರಿಣಾಮ ರಾಜ್ಕಿಶೋರ್ಗೆ ವಿದ್ಯುತ್ ಪ್ರವಹಿಸಿ ಗಂಬೀರವಾಗಿ ಗಾಯಗೊಂಡಿದ್ದ. ಈತನನ್ನು ಕೂಡಲೇ ಆಸ್ಪತ್ರೆಗೆ ಕರೆದೊಯ್ದರೂ ಪ್ರಯೋಜನವಾಗಲಿಲ್ಲ.
