ತಿಪಟೂರು: ಪೈಂಟ್ ಮಾಡುವಾಗ ವಿದ್ಯುತ್ ತಂತಿ ತಗುಲಿ ಕಾರ್ಮಿಕನೋರ್ವ ತೀವ್ರವಾಗಿ ಗಾಯಗೊಂಡಿದ್ದಾನೆ. ನಗರದ ಕೆ.ಆರ್.ಬಡಾವಣೆಯ ಮೋಹನ್ಕುಮಾರ್ ಎಂಬುವವರ ಮನೆಯಲ್ಲಿ ಶನಿವಾರ ಮಧ್ಯಾಹ್ನ ಪೈಂಟ್ ಮಾಡುತ್ತಿರುವಾಗ ಪಕ್ಕದಲ್ಲೇ ಹಾದುಹೋಗಿರುವ 110 ಕೆ.ವಿ. ಎಚ್.ಟಿ. ಲೈನ್ ತಗುಲಿದ ಪರಿಣಾಮ ಕಾರ್ಮಿಕ ಹಂದನಕೆರೆ ಹೋಬಳಿ ಭೀಮಾನಾಯ್ಕನ ತಾಂಡಾ ನಿವಾಸಿ ಪುಟ್ಟನಾಯ್ಕ (45) ಎಂಬಾತನಿಗೆ ವಿದ್ಯುತ್ ಸ್ಪರ್ಷವಾಗಿದ್ದು, ದೇಹದ ಬಹುತೇಕ ಕಡೆ ಸುಟ್ಟಗಾಯಗಳಾಗಿವೆ. ಪ್ರಾಥಮಿಕ ಚಿಕಿತ್ಸೆ ನಂತರ ಹೆಚ್ಚಿನ ಚಿಕಿತ್ಸೆಗಾಗಿ ಬೆಂಗಳೂರಿನ ನಿಮ್ಹಾನ್ಸ್ ಆಸ್ಪತ್ರೆಗೆ ದಾಖಲಿಸಲಾಗಿದೆ. ಈ ಸಂಬಂಧ ಕೆಪಿಟಿಸಿಎಲ್ ನಗರಠಾಣೆಯಲ್ಲಿ ಕಟ್ಟಡ ಮಾಲೀಕರ ವಿರುದ್ಧ ರೂರು ದಾಖಲಿಸಿದೆ.
