ವಿದ್ಯುತ್​ ಕಂಬಕ್ಕೆ ಕಾರು ಡಿಕ್ಕಿಯಾಗಿ ಸಾವು

ಗುಬ್ಬಿ: ಕಸಬಾ ಹೋಬಳಿ ಜಿ.ಹೊಸಹಳ್ಳಿ ಬಳಿ ಗುಬ್ಬಿ- ಸಿ.ಎಸ್​.ಪುರ ರಾಜ್ಯಹೆದ್ದಾರಿಯಲ್ಲಿ ರಸ್ತೆ ಬದಿಯ ವಿದ್ಯುತ್​ ಕಂಬಕ್ಕೆ ಮಂಗಳವಾರ ತಡರಾತ್ರಿ ಕಾರು ಡಿಕ್ಕಿಯಾಗಿ ಸ್ಥಳದಲ್ಲೇ ಸವಾರ ಮೃತಪಟ್ಟಿದ್ದಾನೆ. ಕಸಬಾ ಹೋಬಳಿ ಸುರುಗೇನಹಳ್ಳಿಯ ರಾಕೇಶ್​ (45) ಮೃತ. ರಾಕೇಶ್​ ತಡರಾತ್ರಿ ಗುಬ್ಬಿ ಕಡೆಯಿಂದ ಸ್ವಗ್ರಾಮ ಸುರುಗೇನಹಳ್ಳಿಗೆ ಕಾರಿನಲ್ಲಿ ಹೋಗುತ್ತಿದ್ದಾಗ ಅಪಘಾತ ಸಂಭವಿಸಿದೆ. ಡಿಕ್ಕಿ ರಭಸಕ್ಕೆ ಕಾರು ರಸ್ತೆ ಬದಿಯ ಜಮೀನಿಗೆ ನುಗ್ಗಿ ಪಲ್ಟಿಯಾಗಿದೆ. ಘಟನಾ ಸ್ಥಳಕ್ಕೆ ಜಿಲ್ಲಾ ಅಪರ ಪೊಲೀಸ್​ ವರಿಷ್ಠಾಧಿಕಾರಿ ಮರಿಯಪ್ಪ, ಶಿರಾ ಡಿವೈಎಸ್​ಪಿ ಶೇಖರ್​ ಭೇಟಿ ನೀಡಿ ಪರಿಶೀಲಿಸಿದರು.