ಕಾರ್ಯಕ್ರಮದ ಅಧ್ಯಕ್ಷತೆ ವಹಿಸಿದ್ದ ಕಾಲೇಜು ಪ್ರಾಚಾರ್ಯ ಡಾ. ಸಿ.ಟಿ.ಜಯದೇವ್ ಮಾತನಾಡಿ, ವಿಧ್ಯಾರ್ಥಿಗಳು ಯಾವಾಗಲೂ ಕಠಿಣ ಪರಿಶ್ರಮ, ಅರ್ಪಣಾ ಮನೋಭವ ಮತ್ತು ಬಲವಾದ ಮನೋಸ್ಥಿತಿ ಹೊಂದಿರಬೇಕು. ಮುಂಬರುವ ದಿನಗಳಲ್ಲಿ ತಾಂತ್ರಿಕ ನೈಪುಣ್ಯತೆಗೆ, ನಾವೀನ್ಯತೆಗೆ, ಸಮಸ್ಯೆ ಬಗೆಹರಿಸುವವರಿಗೆ ಮಾತ್ರ ಹೆಚ್ಚಿನ ಮನ್ನಣೆ ದೊರೆಯುತ್ತದೆ. ಇಲ್ಲಿ ಆಯೋಜಿಸಿದ ಶಾರ್ಖಥಾನ್, ರಿವರ್ಸ್ ಹ್ಯಾಕಿಂಗ್, ಇ- ಸ್ಪೋರ್ಟ್ಸ್ ಮತ್ತಿತರೆ ಸ್ಪರ್ಧೆಗಳು ಕ್ರಿಯಾತ್ಮಕತೆಯಿಂದ ಸವಾಲುಗಳನ್ನು ಎದುರಿಸಲು ವಿನ್ಯಾಸಗೊಳಿಸಲಾಗಿದೆ. ಹೊರರಾಜ್ಯಗಳಿಂದ ವಿಧ್ಯಾರ್ಥಿಗಳು ಭಾಗವಹಿಸುತ್ತಿರುವುದು ತುಂಬಾ ಸಂತೋಷದ ಸಂಗತಿ. ಇಲ್ಲಿ ಭಾಗವಹಿಸುವ ಪ್ರತಿಯೊಂದು ವಿಧ್ಯಾರ್ಥಿ ಗುಂಪುಗಳು ಪ್ರಪಂಚದ ನೈಜ ಸಮಸ್ಯೆಗಳನ್ನು ನಾವೀನ್ಯತೆಗೆ ಅಳವಡಿಸಿ ನವೀನ ಪರಿಹಾರಗಳನ್ನು ಕಂಡುಕೊAಡು ಹೆಚ್ಚಿನ ಪ್ರಗತಿಯನ್ನು ಸಾಧಿಸಿ ಎಂದು ಕರೆನೀಡಿದರು.
