ಈ ವಿಷಯವಾಗಿ ಗುರುವಾರ ಮಾತನಾಡಿದ ಶಾಸಕ ಸಿಮೆಂಟ್ ಮಂಜು ಅವರು, ಹಾಸನ ಜಿಲ್ಲೆಯ ಅರಕಲಗೂಡು ತಾಲೂಕಿನ ಇತಿಹಾಸ ಪ್ರಸಿದ್ಧ ಗೌರಿ ಕಟ್ಟೆ, ಬೇಲೂರಿನ ಐತಿಹಾಸಿಕ ಸ್ಥಳಗಳು, ಅರಸೀಕೆರೆ, ಹಾಸನ ಹೀಗೆ ಜಿಲ್ಲೆಯ ಹಲವಾರು ಹಿಂದು ದೇವಾಲಯದ ಸ್ಥಳಗಳನ್ನು ಮತ್ತು ಬಡ ರೈತರ ಆಸ್ತಿಯನ್ನು ವಕ್ಫ್ ಆಸ್ತಿ ಎಂದು ಹೇಳಿದೆ. ಹಾಸನದ ಸಂಸದರಾದ ಶ್ರೇಯಸ್ ಪಟೇಲ್ ಅವರು ವಕ್ಫ್ ಕಾಯ್ದೆ ಸರಿಯಾಗಿ ತಿಳಿದುಕೊಳ್ಳದೆ ಅವರಿಗೆ ವೋಟು ಹಾಕಿದ ಮುಸಲ್ಮಾನರನ್ನು ಸಂತೋಷಪಡಿಸಲು ವಕ್ಫ್ ಕಾಯ್ದೆ ವಿರುದ್ಧ ಹೇಳಿಕೆಯನ್ನು ನೀಡಿರುತ್ತಾರೆ. ಮಾನ್ಯ ಸಂಸದರಾದ ಶ್ರೇಯಸ್ ಪಟೇಲ್ ಅವರಿಗೆ ಹಿಂದುಗಳು ಮತ ಹಾಕಿದ್ದಾರೆ ಎಂಬುದನ್ನು ಅವರು ಮರೆಯಬಾರದು. ಹಿಂದುಗಳ ದೇವಸ್ಥಾನಗಳು ಬೇಡ, ರೈತರ ಆಸ್ತಿಯನ್ನು ಕಬಳಿಸುವ ವಕ್ಫ್ ಕಾಯ್ದೆ ಬೆಂಬಲಿಸುವ ಸಂಸದರ ನಡೆ ಖಂಡನಾರ್ಹ ಎಂದು ಅಸಮಾಧಾನ ವ್ಯಕ್ತಪಡಿಸಿದ್ದಾರೆ.
