ಮರಗಳ ಮಾರಾಟದ ಹಣ ದುರ್ಬಳಕೆ: ಹುಸೇನ್ ಪಾಶಾ ಎನ್ನುವ ತಹಸೀಲ ಕಚೇರಿ ಸಿಬ್ಬಂದಿ, ಬೀದಿಯಲ್ಲಿ ದೊಡ್ಡ ಮರಗಳನ್ನು ಕಡಿದ ಬಳಿಕ ಮಾರಾಟದಿಂದ ಬಂದ ಹಣವನ್ನು ಸರ್ಕಾರಕ್ಕೆ ಭರ್ತಿ ಮಾಡದೆ ದುರ್ಬಳಕೆ ಮಾಡಿಕೊಂಡಿದ್ದಾರೆ. ಜೇವರ್ಗಿ ತಹಸೀಲ್ ಕಚೇರಿಯಲ್ಲಿ ಕೆಲಸ ಮಾಡುವಾಗ ಎಪಿಎಲ್ ಬದಲಾಗಿ ಕೆಲವರಿಗೆ ಬಿಪಿಎಲ್ ಕಾರ್ಡ್ಗಳನ್ನು ವಿತರಿಸಿ ಸರ್ಕಾರಕ್ಕೆ ೧೫ ಲಕ್ಷ ರೂ.ವರೆಗೆ ನಷ್ಟ ಬರುವಂತೆ ಮಾಡಿರುವ ಕುರಿತು ಖುದ್ದು ತಹಸೀಲ್ದಾರ್ ವರದಿ ನೀಡಿದರೂ ಕ್ರಮ ಕೈಗೊಳ್ಳುವಲ್ಲಿ ಜಿಲ್ಲಾಧಿಕಾರಿ ಹಿಂಜರಿದಿದ್ದಾರೆ. ಇದೇ ವೇಳೆ ಇತರೆ ಅಧಿಕಾರಿಗಳ ಮೇಲೆ ದೂರು ಬಂದರೆ ಕೂಡಲೇ ಕ್ರಮ ಕೈಗೊಳ್ಳುವ ಜಿಲ್ಲಾಧಿಕಾರಿಗಳಿಗೆ ನಾವು ಹಲವು ಬಾರಿ ದೂರು ನೀಡಿದರೂ ಉಭಯ ಸರ್ಕಾರಿ ನೌಕರರ ವಿರುದ್ಧ ಕ್ರಮ ಕೈಗೊಂಡಿಲ್ಲ. ಆದ್ದರಿಂದ ನಾವು ರಾಜ್ಯಪಾಲರಿಗೆ ದೂರು ನೀಡುತ್ತಿದ್ದು, ಶೀಘ್ರವೇ ನ್ಯಾಯಾಲಯಕ್ಕೂ ಮೊರೆ ಹೋಗುವುದಾಗಿ ತಿಳಿಸಿದರು.
ಪ್ರಮುಖರಾದ ಸಂದೀಪ ಭರಣಿ, ಮಹೇಶ ಪಾಟೀಲ್, ಗಂಗಾಧರ ಪಾಟೀಲ್, ದಯಾನಂದ ಪಾಟೀಲ್, ಸತೀಶ ಮಾಹೂರ್ ಇದ್ದರು.
