ಮುರಗೋಡ ನೀಲಕಂಠ ಸ್ವಾಮೀಜಿ ಸಾನ್ನಿಧ್ಯ ವಹಿಸಿ ಮಾತನಾಡಿ, ಸುಕ್ಷೇತ್ರ ಬೈಲವಾಡ ಶ್ರೀ ವರ್ತಿಸಿದ್ಧಬಸವೇಶ್ವರ ಆಶೀರ್ವಾದದಿಂದ ಸೊಸೈಟಿ ಪ್ರಗತಿಯತ್ತ ಸಾಗುತ್ತಿದೆ. ಸೊಸೈಟಿ ಅಧ್ಯಕ್ಷ ಬಿ.ಎಂ. ಕುಡಸೋಮಣ್ಣವರ, ಉಪಾಧ್ಯಕ್ಷ ಗಂಗಪ್ಪ ಬೋಳಣ್ಣವರ ಮಾರ್ಗದರ್ಶನದಲ್ಲಿ ಸದಸ್ಯರು, ಸೊಸೈಟಿ ಪ್ರಗತಿಗೆ ಪ್ರಾಮಾಣಿಕತೆಯಿಂದ ಶ್ರಮಿಸುತ್ತಿದ್ದಾರೆ. ಸದಸ್ಯರು ಸಕಾಲಕ್ಕೆ ಸಾಲ ಮರುಪಾವತಿ ಮಾಡಿ ಸಂಘದ ಪ್ರಗತಿಗೆ ಶ್ರಮಿಸಬೇಕೆಂದರು. ನಿರ್ದೇಶಕರಾದ ಬಾಬಾಸಾಹೇಬ ಪಾಟೀಲ, ಮಲ್ಲಿಕಾರ್ಜುನ ಮೊರಬದ, ಗಂಗಪ್ಪ ಭರಮಣ್ಣವರ, ಮಹಾರುದ್ರಪ್ಪ ಸಂಪಗಾಂವಿ, ವಿ.ಜಿ.ಸಾಲಿಮಠ, ದುಂಡಪ್ಪ ತುರಮರಿ, ಸುನೀಲ ವಳಸಂಗ, ಸಣ್ಣಬಸಪ್ಪ ಕುಡಸೋಮಣ್ಣವರ, ರಾಜೇಶ ಬಡಿಗೇರ, ಡಿ.ಆರ್. ತಳವಾರ ಇತರರು ಇದ್ದರು. ರಾಮಲಿಂಗ ಕುಡಸೋಮಣ್ಣವರ ಸ್ವಾಗತಿಸಿದರು. ದೀಪಕ ಕುಡಸೋಮಣ್ಣವರ ವರದಿ ಓದಿದರು. ಎಂ.ಎಂ. ಕೋಲಕಾರ ನಿರೂಪಿಸಿದರು. ಕುಮಾರ ಇಂಗಳಗಿ ವಂದಿಸಿದರು.
