4.82 ಲಕ್ಷ ಟನ್ ಅಗತ್ಯ ವಸ್ತು ಸಾಗಿಸಿದ ನೈಋತ್ಯ ರೈಲ್ವೆ: ಲಾಕ್ಡೌನ್ ಘೋಷಣೆ ಮಧ್ಯೆಯೂ ಅಗತ್ಯ ಸಾಮಗ್ರಿಗಳ ಪೂರೈಕೆಯಲ್ಲಿ ನೈಋತ್ಯ ರೈಲ್ವೆ ವಲಯ ನಿರತವಾಗಿದೆ. ಮಾ. 27 ರಿಂದ ಏ. 3ರವರೆಗೆ ನೈಋತ್ಯ ರೈಲ್ವ ವಲಯ ಅಕ್ಕಿ, ಗೋದಿ, ಟೊಮ್ಯಾಟೊ, ಭತ್ತ, ಕಲ್ಲಿದ್ದಿಲು, ಪೆಟ್ರೋಲಿಯಂ ಉತ್ಪಾದನೆಗಳು, ಎಲ್ಪಿಜಿ, ಸ್ಟೀಲ್, ಸಿಮೆಂಟ್ ಸೇರಿ 4,82,540 ಟನ್ಗಳಷ್ಟು ಅಗತ್ಯ ವಸ್ತುಗಳನ್ನು 153 ಗೂಡ್ಸ್ ರೈಲುಗಳ ಮೂಲಕ ವಿವಿಧೆಡೆ ಸಾಗಿಸಿದೆ. 2,15,877 ಅಗತ್ಯ ವಸ್ತುಗಳನ್ನು 69 ರೈಲುಗಳಲ್ಲಿ ಭರ್ತಿ ಮಾಡಲಾಗಿದೆ. ಬೆಂಗಳೂರು ರೈಲ್ವೆ ವಿಭಾಗದಲ್ಲಿ 35 ರೈಲುಗಳ ಮೂಲಕ 92, 500 ಟನ್, ಮೈಸೂರು ವಿಭಾಗದಲ್ಲಿ 20 ರೈಲುಗಳ ಮೂಲಕ 57,340 ಟನ್, ಹುಬ್ಬಳ್ಳಿ ವಿಭಾಗದಲ್ಲಿ 98 ರೈಲುಗಳ ಮೂಲಕ 3,32,700 ಟನ್ ಅಗತ್ಯ ವಸ್ತುಗಳನ್ನು ತಲುಪಿಸಲಾಗಿದೆ.
