ರೈತರ ಕೈ ಸುಟ್ಟ ವಿಚಿತ್ರ ಆಲೂಗಡ್ಡೆ!?

ಹಾಸನ : ಜಿಲ್ಲೆ ಅರೆ ಮಲೆನಾಡು ಪ್ರದೇಶವಾಗಿದ್ದು, ಇಲ್ಲಿ ಹೆಚ್ಚಿನದಾಗಿ ವ್ಯವಸಾಯಕ್ಕೆ ಒತ್ತನ್ನು ರೈತರು ನೀಡುತ್ತಾರೆ. ಹಾಸನ ಮುಖ್ಯವಾಗಿ ರಾಗಿ, ಕೊಬ್ಬರಿ, ಭತ್ತ ಹಾಗೂ ಮುಸುಕಿನ ಜೋಳ, ಆಲೂಗಡ್ಡೆ ಇನ್ನಿತರ ಬೆಳೆಯನ್ನು ಬೆಳೆಯುವ ಜಿಲ್ಲೆಯಾಗಿದೆ. ಪ್ರತಿಯೊಬ್ಬ ರೈತರು ಮುಂಗಾರು ಹಾಗೂ ಹಿಂಗಾರು ಬೆಳೆಗಳನ್ನು ಮಾಡುತ್ತಾರೆ ಪ್ರತಿ ವರ್ಷ ಲಾಭ- ನಷ್ಟಗಳನ್ನು ಲೆಕ್ಕೆಸದೆ ಆಲೂಗಡ್ಡೆ ಬೆಳೆ ಮಾಡುತ್ತಾರೆ. ಕಳೆದ 2021 ನೇ ಸಾಲಿನಲ್ಲಿ ಆಲೂಗಡ್ಡೆ ಬೆಳೆ ರೈತರಿಗೆ ಹೆಚ್ಚಿನ ಆದಾಯವನ್ನು ತಂದು ಕೊಟ್ಟಿತ್ತು. ಅದರಂತೆ 2022ನೇ ಸಾಲಿನ ಮುಂಗಾರು ಅವಧಿಯಲಿ ್ಲಆಲೂಗಡ್ಡೆ ಬಿತ್ತನೆ ಬೀಜವೇ ದುಬಾರಿಯಾಗಿತ್ತು. ಅದನ್ನು ರೈತರು ಲೆಕ್ಕಿಸದೆ ಬಿತ್ತನೆ ಬೀಜವನ್ನು ಖರೀದಿ ಮಾಡಿ ಉತ್ತಮ ಬೆಳೆ ಬೆಳೆದಿದ್ದರು. ಆದರೆ ಬೆಲೆ ಸಿಗದೆ ತೋಟಗಳಲ್ಲೇ ಸಂಗ್ರಹಿಸಿದ್ದ ಆಲೂಗಡ್ಡೆ ಕೊಳೆತು ಹೋಗಿತ್ತು. ಅಳಿದುಳಿದ ಆಲೂಗಡ್ಡೆ ಬೆಳೆಯನ್ನು ಸಿಕ್ಕ ಬೆಲೆಗೆ ಮಾರಾಟ ಮಾಡಿ ರೈತರು ಕೈಸುಟ್ಟುಕೊಂಡಿದ್ದರು.

ಕಳೆದ 2022ನೇ ಸಾಲಿನಲ್ಲಿ ಹಾಸನ ಜಿಲ್ಲೆಯಾದ್ಯಂತ 6970.47 ಹೆಕ್ಟರ್‌ನಷ್ಟು ಮುಂಗಾರು ಆಲೂಗಡ್ಡೆ ಬೆಳೆಯನ್ನು ರೈತರು ಬೆಳೆೆದಿದ್ದು, ಮಳೆಹಾನಿ ಇಂದ ಸುಮಾರೂ 5652.90 ಹೆಕ್ಟರ್‌ಗಳಲ್ಲಿ ಆಲೂಗಡ್ಡೆ ನಾಶವಾಗಿತ್ತು. ಅಲ್ಲದೆ ಬಿತ್ತನೆ ಬೀಜ ಕೊಂಡುಕೊಂಡಿದ್ದಕ್ಕಿಂತ ಕಡಿಮೆ ಹಣಕ್ಕೆ ಆಲೂಗಡ್ಡೆ ಖರೀದಿಯಾಗಿದ್ದು ರೈತರಲ್ಲಿ ಸಾಕಷ್ಟು ನಷ್ಟ ಉಂಟುಮಾಡಿತ್ತು.

ಆದರೂ ಚಲ ಬಿಡದ ರೈತರು 2022ರ ನವೆಂಬರ್- ಡಿಸೆಂಬರ್‌ನ ಹಿಂಗಾರಿನಲ್ಲಿ ಆಲೂಗಡ್ಡೆ ಬೆಳೆ ಬೆಳೆಲು ಮುಂದಾಗಿದ್ದು, ಹಿಂಗಾರು ಬೆಳೆ ಹೆಕ್ಟೇರ್ ಲೆಕ್ಕದಲ್ಲಿ ಹಾಸನ 265, ಅರಸೀಕೆರೆ 15, ಬೇಲೂರು 35, ಅರಕಲಗೂಡು 22, ಚನ್ನರಾಯಪಟ್ಟಣ 8 ಒಟ್ಟು ಹಾಸನ ಜಿಲ್ಲೆಯಾದ್ಯಂತ 345.60 ಹೆಕ್ಟರ್‌ನಲ್ಲಿ ಆಲೂಗಡ್ಡೆ ಬೆಳೆಯನ್ನು ಬೆಳೆದಿದ್ದು, ಇದೀಗ ಬೆಳೆದು ನಿಂತಿರುವ ಆಲೂಗಡ್ಡೆ ವಿಚಿತ್ರವಾಗಿದ್ದು ಸಹಜ ಸ್ಥಿತಿಯಲ್ಲಿ ಇರಬೇಕಾದ ಆಲೂಗಡ್ಡೆಗಳು ಅಸಹಜವಾಗಿ ವಿವಿಧಾಕಾರಗಳಲ್ಲಿ ಕಂಡುಬರುತ್ತಿವೆ. ಇದರಿಂದ ಆಲೂಗಡ್ಡೆ ಮಾರಾಟವಾಗದ ಸ್ಥಿತಿಗೆ ತಲುಪಿದ್ದು ಕಳಪೆ ಗುಣಮಟ್ಟದ ಬಿತ್ತನೆ ಬೀಜಗಳನ್ನು ನೀಡಿರುವುದರಿಂದ ಈ ರೀತಿಯ ಸಮಸ್ಯೆ ಉಂಟಾಗಿದೆ ಎಂದು ರೈತರು ಬೇಸರಗೊಡಿದ್ದು, ಆರ್ಥಿಕ ಸಂಕಷ್ಟಕ್ಕೆ ಸಿಲುಕಿದ್ದಾರೆ .

ಜಿಲ್ಲೆಯಲ್ಲಿ ಪಂಜಾಬ್‌ನ ಆಲೂಗಡ್ಡೆ ಬೆಳೆ ಮಾಡುವ ರೈತರು ಹೆಚ್ಚಾಗಿದ್ದು ಹಿಂಗಾರಿನಲ್ಲಿ ಆಲೂಗಡ್ಡೆ ಬೆಲೆ ಹೆಚ್ಚಾಗುವ ನಿರೀಕ್ಷೆಯನ್ನು ಹೊಂದಿ, ನೀರು ಗೊಬ್ಬರವನ್ನು ಲೆಕ್ಕಿಸದೆ ದುಬಾರಿಯಾಗಿದ್ದ ಬಿತ್ತನೆ ಬೀಜದ ಆಲೂಗಡ್ಡೆಯನ್ನು ಖರೀದಿಸಿ ಉತ್ತಮ ಫಸಲು ಬರುವಂತೆ ಹಗಲು ರಾತ್ರಿ ಎನ್ನದೆ ಹಣವನ್ನು ಬೆೆಳೆಗೆ ಹಾಕಿದ್ದಾರೆ. ಆದರೆ ಹಿಂಗಾರಿನಲ್ಲಿ ಭೂಮಿಗೆ ಬಿತ್ತನೆ ಮಾಡಿರುವ ಬೀಜದ ಆಲೂಗಡ್ಡೆ ಗಿಡ ಚನ್ನಾಗಿ ಬೆಳೆದಿದೆ ಹೊರತು ಆಲೂಗಡ್ಡೆ ಮಾತ್ರ ವಿಚಿತ್ರ ರೀತಿಯ ಆಕಾರದಲ್ಲಿ ಬೆಳೆದಿರುವುದು ರೈತರಿಗೆ ಒಂದೆಡೆ ಆಶ್ಚರ್ಯವಾದರೆ ಇನ್ನೊಂದು ಕಡೆ ಪ್ರತಿ ವರ್ಷದಂತೆ ಈ ವರ್ಷವೂ ಕಳಪೆ ಗುಣಮಟ್ಟದ ಬೀಜವನ್ನು ಖರೀದಿಸಲಾಗಿದೆ ಎಂಬ ಬೇಸರ ಮನದಲ್ಲಿ ಕಡಲಾರಂಬಿಸಿದೆ.

ಮುಂಗಾರಿನಲ್ಲಿ ಕೈ ಸುಟ್ಟುಕೊಂಡಿದ್ದ ರೈತರಿಗೆ ಮತ್ತೆ ಹಿಂಗಾರು ಬೆಳೆಯಲ್ಲಿಯೂ ಸಹ ಅದೇ ಸ್ಥಿತಿ ಉಂಟಾಗಿದೆ. ಹೆಚ್ಚಿನ ಹಣ ಪಡೆದು ಕಳಪೆ ಗುಣಮಟ್ಟದ ಬಿತ್ತನೆ ಬೀಜ ಪೂರೈಕೆ ಮಾಡಿರುವುದರಿಂದ ಈ ರೀತಿ ಆಲೂಗಡ್ಡೆ ಬೆಳೆದಿದ್ದು ಯಾವ ಉಪಯೋಗಕ್ಕೂ ಬಾರದಂತಾಗಿದ್ದು ಆದಾಯಕ್ಕಿಂತ ಹೆಚ್ಚಿನ ನಷ್ಟ ಉಂಟಾಗಿದೆ ಇದಕ್ಕೆ ತಕ್ಕ ಪರಿಹಾರವನ್ನು ಸರ್ಕಾರ ನೀಡಬೇಕು ಎಂದು ರೈತರು ಆಗ್ರಹಿಸಿದ್ದಾರೆ.

ರೈತ ಸಂಘದ ಮುಖಂಡ ರವಿ ಶಂಕರ್