ಜರ್ಮನ್ನರಿಗೆ ಸ್ವಾಗತ: ಕಬಿನಿ ಟೂರಿಸಂ ಸಂಸ್ಥೆಯ ಆಹ್ವಾನದ ಮೇರೆಗೆ 8 ಜರ್ಮನ್ ಪ್ರವಾಸಿಗರು ಭಾನುವಾರ ಜಿಲ್ಲೆಗೆ ಭೇಟಿ ನೀಡಿದ್ದರು. ತರಬೇತಿ ಪಡೆದ ಮಹಿಳೆಯರೇ ಇವರನ್ನು ಸ್ವಾಗತಿಸಿದರು. ರಾಮನಗರ ತಾಲೂಕಿನ ಹಳ್ಳಿಗಳ ದರ್ಶನ ಮಾಡಿಸಿದ್ದಾರೆ. ಜಾತ್ರೆ ನಡೆಯುವ ಸ್ಥಳ, ದೇವಾಲಯ, ಅರಳಿಕಟ್ಟೆಗಳ ಬಳಿಕ ರೇಷ್ಮೆ ಕೃಷಿ ಬಗ್ಗೆ ಸಮಗ್ರ ಮಾಹಿತಿ ನೀಡಿದ್ದಾರೆ. ಹಿಪು$್ಪ ನೇರಳೆ ತೋಟ, ಚಾಕಿ ಸಾಕಣೆ ಕೇಂದ್ರ, ರೇಷ್ಮೆಗೂಡು ಕಟ್ಟುವ ಪ್ರಕ್ರಿಯೆ, ರೇಷ್ಮೆ ಮಾರುಕಟ್ಟೆ, ನೂಲು ಬಿಚ್ಚಾಣಿಕೆ ಕೇಂದ್ರಗಳು ಹೀಗೆ ಪ್ರತಿಯೊಂದರ ದರ್ಶನದ ಜತೆಗೆ ಮಾಹಿತಿಯನ್ನೂ ನೀಡಿದ್ದಾರೆ. ನಂತರ ರೇಷ್ಮೆ ಮಳಿಗೆಗಳಲ್ಲಿ ಖರೀದಿಗೂ ಅವಕಾಶ ನೀಡಿದ್ದಾರೆ. ಪ್ರವಾಸಿಗರಿಗೆ ಗೈಡ್ಗಳ ರೀತಿ ಮಹಿಳೆಯರು ಕೆಲಸ ಮಾಡಿದ್ದಾರೆ. ಗ್ರಾಮೀಣ ಜೀವನ ಶೈಲಿ, ಹಳ್ಳಿ ಸೊಗಡಿನ ಅಡುಗೆಗಳನ್ನೇ ಪ್ರವಾಸಿಗರಿಗೆ ಉಣಬಿಡಿಸಿದ್ದಾರೆ.
