ರು.1.35 ಲಕ್ಷದ ಚಿನ್ನಾಭರಣ ಕಳವು

ಕಲಬುರಗಿ: ಮನೆಯಲ್ಲಿ ಯಾರೂ ಇಲ್ಲದ ವೇಳೆ ಕೀಲಿ ಮುರಿದು ಅಲಮಾರಾದಲ್ಲಿದ್ದ ೧.೩೫ ಲಕ್ಷ ರೂ. ಮೌಲ್ಯದ ಚಿನ್ನಾಭರಣವನ್ನು ಕಳ್ಳತನ ಮಾಡಿದ ಟನೆ ಉಮರ್​ ಕಾಲನಿಯಲ್ಲಿ ನಡೆದಿದೆ. ಮಹ್ಮದ್​ ಶಬ್ಬಿರ್​ ಮನೆಯಲ್ಲಿ ಕಳ್ಳತನ ನಡೆದಿದೆ. ಮನೆಗೆ ಕೀಲಿ ಹಾಕಿಕೊಂಡು ಆಸ್ಪತ್ರೆಯಲ್ಲಿ ಚಿಕಿತ್ಸೆ ಪಡೆಯುತ್ತಿರುವವರನ್ನು ಮಾತನಾಡಿಸಿ ಬರಲು ಹೋಗಿದ್ದು, ವಾಪಸ್​ ಬರುವ ವೇಳೆಗೆ ಮನೆಯಲ್ಲಿದ್ದ ೨ ತೊಲೆ ಬಂಗಾರದ ಬೋರಮಳಾ, ಒಂದು ತೊಲೆ ಕಿವಿಯೋಲೆ, ಲೇಡಿಜ್​ ವಾಚ್​ ಸೇರಿ ಒಟ್ಟು ೧.೩೫ ಲಕ್ಷ ರೂ. ಮೌಲ್ಯದ ಚಿನ್ನಾಭರಣ ಕಳ್ಳತನ ಮಾಡಲಾಗಿದೆ ಎಂದು ವಿಶ್ವವಿದ್ಯಾಲಯ ಠಾಣೆಗೆ ದೂರು ನೀಡಿದ್ದು, ಪ್ರಕರಣ ದಾಖಲಾಗಿದೆ.