ರಾಜ್ಯದೆಲ್ಲ ತಹಸೀಲ್ದಾರ್‌ಗೂ ಅಂಕರಕ್ಷಕರನ್ನು ನೀಡಿ

ಚಿತ್ರದುರ್ಗ: ತಾಲೂಕಿನ ಮಲ್ಲಾಪುರ ಗ್ರಾಮದಲ್ಲಿ ಜು. 30ರಂದು ಭೇಟಿ ನೀಡಿದ್ದ ತಹಸೀಲ್ದಾರ್ ಅವರನ್ನು ಅವಾಚ್ಯ ಶಬ್ಧಗಳಿಂದ ನಿಂದಿಸಿ, ಕಂದಾಯ ನಿರೀಕ್ಷಕರ ಮೇಲೆ ಹಲ್ಲೆಗೆ ಯತ್ನ ನಡೆದಿದೆ. ಹೀಗಾಗಿ 224 ತಾಲೂಕುಗಳ ತಹಸೀಲ್ದಾರ್‌ರಿಗೂ ವಿಶೇಷ ಅಂಗರಕ್ಷಕರನ್ನು ನೇಮಿಸಬೇಕು ಎಂದು ಸಿಎಂಗೆ ಒತ್ತಾಯಿಸಿ ಕರುನಾಡ ವಿಜಯಸೇನೆ ಕಾರ್ಯಕರ್ತರು ಚಿತ್ರದುರ್ಗದಲ್ಲಿ ಬುಧವಾರ ಜಿಲ್ಲಾಧಿಕಾರಿ ವೆಂಕಟೇಶ್ ಅವರಿಗೆ ಮನವಿ ಸಲ್ಲಿಸಿದರು.

ಕರುನಾಡ ವಿಜಯಸೇನೆ ಅಧ್ಯಕ್ಷ ಕೆ.ಟಿ.ಶಿವಕುಮಾರ್, ಮಹಿಳಾ ಅಧ್ಯಕ್ಷೆ ವೀಣಾಗೌರಣ್ಣ, ಪದಾಧಿಕಾರಿಗಳಾದ ಕೆ.ಎನ್.ಮಧುಸೂದನ್, ಎಲ್.ಎಸ್.ಪಾಂಡು, ವಿ.ನಾಗೇಶ್, ನಿಸಾರ್ ಅಹಮ್ಮದ್ ಇತರರಿದ್ದರು.