ಮೈಸೂರಿನ ಸುತ್ತೂರು ಪರಂಪರೆ ಹಾಗೂ ಡಾ.ಶ್ರೀಶಿವರಾತ್ರಿ ರಾಜೇಂದ್ರ ಸ್ವಾಮೀಜಿಗಳ ಸೇವೆ ಜಗತ್ತಿಗೆ ಮಾದರಿಯಾಗಿದೆ ಎಂದು ಮೈಸೂರಿನ ವಾಗ್ಮಿಗಳಾದ ಡಿ.ಎಸ್.ಸದಾಶಿವಮೂರ್ತಿ ಹೇಳಿದರು. ರಾಜೇಂದ್ರ ಶ್ರೀಗಳ ಸಾಮಾಜಿಕ ಬದ್ಧತೆ, ಕಾಯಕ ನಿಷ್ಠೆ, ಅಂತಃಕರಣ, ಔದಾರ್ಯ, ಸೇವಾ ತತ್ಪರ್ಯಗಳ ಕುರಿತು ಮಾಜಿ ರಾಷ್ಟ್ರಪತಿ ಡಾ.ಎಪಿಜೆ ಅಬ್ದುಲ್ ಕಲಾಂ ಮೆಚ್ಚುಗೆ ವ್ಯಕ್ತಪಡಿಸಿದ್ದರು. ಜಿಲ್ಲೆಯ ಶೈಕ್ಷಣಿಕ, ಧಾರ್ಮಿಕ, ಆರ್ಥಿಕ, ಆಡಳಿತಾತ್ಮಕ, ಸಾಹಿತ್ಯ, ಸಂಸ್ಕೃತಿ, ಆರೋಗ್ಯ ಹಾಗೂ ಇನ್ನಿತರೆ ಕ್ಷೇತ್ರಗಳಲ್ಲಿ ರಾಜೇಂದ್ರ ಶ್ರೀಗಳು ಅಪಾರವಾದ ಕೊಡುಗೆ ನೀಡಿದ್ದಾರೆ. ಅವರ ಸೇವಾ ಕಾರ್ಯ ಜಾತಿ, ಮತಗಳನ್ನು ಮೀರಿ ವಿಸ್ತಾರಗೊಂಡಿದೆ ಎಂದು ತಿಳಿಸಿದರು.
