ಮೊದಲ ಹಂತದ ರಾಗಿ ಖರೀದಿ ಪ್ರಕ್ರಿಯೆ ಮುಗಿದು ರೈತರ ಖಾತೆಗಳಿಗೆ ಹಣ ವರ್ಗಾವಣೆಯಾದ ನಂತರ 2ನೇ ಹಂತದ ಖರೀದಿಗಾಗಿ ನೋಂದಣಿ ಕಾರ್ಯಕ್ಕೆ ಸರ್ಕಾರ ಹಸಿರು ನಿಶಾನೆ ತೋರಿತ್ತು. ಆದರೆ ಏ.25 ರಂದು ನೋಂದಣಿ ಆರಂಭಿಸುವುದಾಗಿ ಸರ್ಕಾರ ೂಷಿಸಿದ್ದರೂ ಏ.26ರ ಮಧ್ಯಾಹ್ನದವರೆವಿಗೂ ನೋಂದಣಿ ಆರಂಭವಾಗಲಿಲ್ಲ. ಪರಿಣಾಮ 3377 ರೂ. ಬೆಂಬಲ ಬೆಲೆಯಲ್ಲಿ ರಾಗಿ ಮಾರುವ ಉತ್ಸಾಹದೊಂದಿಗೆ ಎಪಿಎಂಸಿಗೆ ಲಗ್ಗೆಯಿಟ್ಟಿದ್ದ ರೈತರಿಗೆ ಭಾರಿ ನಿರಾಸೆ ಮೂಡಿಸಿತು. ಮುಂಜಾನೆಯಿಂದಲೇ ಅನ್ನನಿರು ಇಲ್ಲದೆ ಸರತಿ ಸಾಲಿನಲ್ಲಿ ನಿಂತು ಬರಿಗೈಯಲ್ಲಿ ವಾಪಸಾಗುವಾಗ ಸರ್ಕಾರಕ್ಕೆ ಹಿಡಿಶಾಪ ಹಾಕಿದರು. ಹಳ್ಳಿಗಳಿಂದ ಕೆಲಸ ಕಾರ್ಯ ಬಿಟ್ಟು ಬಂದು ಗಂಟೆಗಟ್ಟಲೆ ಕ್ಯೂ ನಿಂತರೂ ಪ್ರಯೋಜನವಾಗಿಲ್ಲ ಎಂದು ಬೇಸರಿಸಿದರು.
