ರಸ್ತೆಯಲ್ಲಿ ನೀರು ಸಂಚಾರಕ್ಕೆ ಸಂಚಕಾರ

ಯಾದಗಿರಿ: ನೀವೇನಾದರೂ ಈ ರಸ್ತೆಯಲ್ಲಿ ಒಮ್ಮೆ ಸಂಚರಿಸಿದರೆ. ಇದೇನು ರಸ್ತೆಯೋ ? ಅಥವಾ ಹಳ್ಳವೋ? ಎಂಬ ಗೊಂದಲ ನಿಮ್ಮನ್ನು ಕಾಡದೆ ಇರದು. ಇಂತಹ ಅನುಭವ ಆಗಬೇಕು ಅಂದರೆ ಯಾದಗಿರಿ ನಗರದ ಹೊಸಳ್ಳಿ ಕ್ರಾಸ್ ಬಳಿಯ ಮುಖ್ಯರಸ್ತೆಯಲ್ಲಿ ವಾಹನ ಓಡಿಸಿದರೆ ಸಾಕು.

ಕಳೆದ 3-4 ದಿನಗಳಿಂದ ನಿರಂತರವಾಗಿ ಸುರಿಯುತ್ತಿರುವ ಮಳೆಯಿಂದಾಗಿ ಹೊಸಳ್ಳಿ ಕ್ರಾಸ್ ಬಳಿ ಮುಖ್ಯ ರಸ್ತೆಯಲ್ಲಿ ತಗ್ಗುಗಳು ಬಿದ್ದು ಅದರಲ್ಲಿ ನಿಂತ ನೀರಿನಿಂದ ಸಣ್ಣ ಹಳ್ಳವೇ ನಿರ್ಮಾಣಗೊಂಡಿದೆ. ಪಾದಚಾರಿಗಳು, ವಾಹನ ಸವಾರರು, ಮಕ್ಕಳು, ವಯೋವೃದ್ಧರು ಈ ರಸ್ತೆಯಲ್ಲಿ ಹೋಗಿ ಬರಲು ಹೆದರುವಂತಾಗಿದೆ. ಅನೇಕ ಬೈಕ್ ಸವಾರರು ಬಿದ್ದು ಗಾಯಗೊಂಡಿದ್ದಾರೆ.

ಈ ರಸ್ತೆಯಲ್ಲಿ ಸಂಚಾರ ಮಾಡಿದರೆ ಜೀವಕ್ಕೆ ಸಂಚಕಾರ ತಂದುಕೊAಡAತೆ ಆಗುತ್ತಿದೆ. ಆದರೆ, ನಗರಸಭೆ ಅಧಿಕಾರಿಗಳು ಮತ್ತು ಚುನಾಯಿತ ಪ್ರತಿನಿಧಿಗಳು ಮಾತ್ರ ನಿರುಮ್ಮಳವಾಗಿದ್ದಾರೆ. ಅದನ್ನು ದುರಸ್ತಿಗೊಳಿಸುವ ಗೋಜಿಗೂ ಹೋಗದಿರುವುದು ಸೋಜಿಗವಾಗಿದೆ.

ಮೊದಲೇ ರಸ್ತೆ ಸರಿ ಇಲ್ಲದ ಈ ಪ್ರದೇಶದಲ್ಲಿನ ತಗ್ಗುಗಳಲ್ಲಿ ಮಕ್ಕಳು ಮುಳುಗುವಷ್ಟು ನೀರು ನಿಲ್ಲುತ್ತಿದೆ.ಆದರೂ, ಅದನ್ನು ಸರಿಪಡಿಸುವ ಕಾಳಜಿ ನಗರಸಭೆಯವರು ಮಾಡುತ್ತಿಲ್ಲ.ಬಡಾವಣೆಯ ನಿವಾಸಿಗಳು, ಸಾರ್ವಜನಿಕರು ನಗರಸಭೆಯವರಿಗೆ, ಜನಪ್ರತಿನಿಧಿಗಳಿಗೆ ನಿತ್ಯ ಶಾಪ ಹಾಕುತ್ತಲೇ ಸಂಚರಿಸುತ್ತಿದ್ದಾರೆ. ಈಗಲಾದರೂ ಸಂಬAಧಪಟ್ಟ ಅಧಿಕಾರಿಗಳು ಗಮನ ಹರಿಸಿ ದುರಸ್ತಿಗೆ ಮುಂದಾಗಬೇಕು ಎಂಬುದು ಜನರು ಆಗ್ರಹವಾಗಿದೆ.