ಜಿಪಂ ಮಾಜಿ ಸದಸ್ಯ ಮಾರುತಿ ತುಪ್ಪದ, ದಲಿತ ಮುಖಂಡ ಸುಭಾಷ ಗೋಡಕೆ ಹಾಗೂ ಪುರಸಭೆ ಉಪಾಧ್ಯಕ್ಷ ನಾಗರಾಜ ಕಟ್ಟಿಮನಿ ಮಾತನಾಡಿ, ಕಿಡಿಗೇಡಿಗಳಿಗೆ ಆ ಸಮುದಾಯದ ಹಿರಿಯರು ಬುದ್ಧಿ ಹೇಳಬೇಕು. ಇದೇ ರೀತಿ ಅನ್ಯಕೋಮಿನವರೊಂದಿಗೆ ಗೂಂಡಾಗಿರಿ ಮಾಡಲು ಮುಂದಾದಲ್ಲಿ ಉಗ್ರ ಪ್ರತಿಭಟನೆ ಮಾಡಬೇಕಾಗುತ್ತದೆ. ಕಳೆದ 5 ವರ್ಷಗಳಿಂದ ಭಾವೈಕ್ಯತೆಗೆ ಧಕ್ಕೆಯಾಗಿರಲಿಲ್ಲ ಎಂದರು. ಕ್ಷುಲ್ಲಕ ಕಾರಣಕ್ಕೆ ಕಿಡಿಗೇಡಿಗಳೂ ಬೋವಿ ವಡ್ಡರ ಸಮಾಜದ ಕಾರ್ಯಕರ್ತ ಗೋಪಾಲ ಬಂಡಿವಡ್ಡರ, ರವಿ ಬಂಡಿವಡ್ಡರ, ನಂಜುಂಡಿ ಬಂಡಿವಡ್ಡರ ಅವರ ಮೇಲೆ ಮಾರಕಾಸ್ತ್ರಗಳಿಂದ ಹಲ್ಲೆ ಮಾಡಿರುವುದು ಖಂಡನೀಯ. ಈಗಾಗಲೇ ಪೊಲೀಸ್ ಇಲಾಖೆಯ ಅಧಿಕಾರಿಗಳು ಕೆಲವರನ್ನು ಬಂಧಿಸಿ, ವಿಚಾರಣೆ ನಡೆಸುತ್ತಿದ್ದಾರೆ. ಕೃತ್ಯದಲ್ಲಿ ಪಾಲ್ಗೊಂಡ ಹಾಗೂ ಕೃತ್ಯಕ್ಕೆ ಪ್ರೋತ್ಸಾಹ ನೀಡಿದವರನ್ನು ವಶಕ್ಕೆ ಪಡೆದು ಸೂಕ್ತ ಕಾನೂನು ಕ್ರಮ ತೆಗೆದುಕೊಳ್ಳಬೇಕು ಎಂದು ಒತ್ತಾಯಿಸಿದರು. ಎಂ.ಪಿ.ಪಾತ್ರೋಟ, ಶಂಕರಗೌಡ ಪಾಟೀಲ, ಉಮೇಶ ಹಕಾಟಿ, ಎಂ.ಎಂ. ಬಂಡಿವಡ್ಡರ, ಅಶೋಕ ಬಂಡಿವಡ್ಡರ, ಶ್ರೀಕಾಂತ ಬಂಡಿವಡ್ಡರ ಇತರರಿದ್ದರು.
