ವಿಜಯವಾಣಿ ಸುದ್ದಿಜಾಲ ಆನೇಕಲ್
ಎಸ್ಸೆಸ್ಸಲ್ಸಿ ಪರೀಕ್ಷೆ, ದ್ವಿತೀಯ ಪಿಯು ಪರೀಕ್ಷೆ ಅಥವಾ ಹೈಸ್ಕೂಲ್ ವಿದ್ಯಾರ್ಥಿಗಳು ಪರೀಕ್ಷೆಯಲ್ಲಿ ಅನುತ್ತೀರ್ಣ ಆಗಿರುವುದನ್ನು ನೋಡಿದ್ದೇವೆ, ಕೇಳಿದ್ದೇವೆ. ಆದರೆ, ಯುಕೆಜಿ ವಿದ್ಯಾರ್ಥಿ ಅನುತ್ತೀರ್ಣ ಆಗಿರುವುದನ್ನು ನೋಡಿದ್ದೀರಾ…ಇಲ್ಲಿವರೆಗೂ ಇಂತಹ ಪ್ರಕರಣ ವರದಿಯಾಗಿರುವ ಮಾಹಿತಿ ಇಲ್ಲ. ಆದರೆ, ಈಗ ಖಾಸಗಿ ಶಾಲೆಯೊಂದು ಯುಕೆಜಿ ಓದುತ್ತಿರುವ ಎಳೆಯ ಬಾಲಕಿಯನ್ನು ಅನುತ್ತೀರ್ಣ ಮಾಡಿರುವ ಅಪರೂಪದ ಪ್ರಕರಣ ವರದಿಯಾಗಿದೆ. ೇಲ್ ಮಾಡಿದ ಕ್ರಮಕ್ಕೆ ಪಾಲಕರು ಹಾಗೂ ಸಾರ್ವಜನಿಕರಿಂದ ಆಕ್ಷೇಪ ವ್ಯಕ್ತವಾಗಿದೆ.
ಶಿಕ್ಷಣ ಹಕ್ಕು ಕಾಯ್ದೆಯ(ಆರ್ಟಿಇ) ಪ್ರಕಾರ ರಾಜ್ಯದಲ್ಲಿ 8ನೇ ತರಗತಿವರೆಗೆ ಯಾವುದೇ ವಿದ್ಯಾರ್ಥಿಯನ್ನು ೇಲ್ ಮಾಡುವಂತಿಲ್ಲ. ಒಂದು ವೇಳೆ ಅನುತ್ತೀರ್ಣ ಮಾಡಿದರೆ, ಆರ್ಟಿಇ ನಿಯಮ ಉಲ್ಲಂಘನೆಯಾಗಲಿದೆ. ಆದರೆ, ಆನೇಕಲ್ ತಾಲೂಕಿನ ದೀಪಹಳ್ಳಿಯ ಸೇಂಟ್ ಜೋಸ್ೆ ಚಾಮಿನೇಡ್ ಅಕಾಡೆಮಿ ಶಾಲೆಯಲ್ಲಿ ಯುಕೆಜಿ ವಿದ್ಯಾರ್ಥಿನಿಯನ್ನು ಅನುತ್ತೀರ್ಣ ಮಾಡಲಾಗಿದೆ. ಈ ಪ್ರಕರಣದ ಬಗ್ಗೆ ವಿದ್ಯಾರ್ಥಿನಿ ತಂದೆ ಸಾಮಾಜಿಕ ಜಾಲತಾಣದಲ್ಲಿ ಆಕ್ರೋಶ ವ್ಯಕ್ತಪಡಿಸಿದ್ದು, ಇದಕ್ಕೆ ಮಾಜಿ ಶಿಕ್ಷಣ ಸಚಿವ ಸುರೇಶ್ ಕುಮಾರ್ ಕೂಡ ಬೇಸರ ವ್ಯಕ್ತಪಡಿಸಿದ್ದಾರೆ. ‘‘ಈ ಎಳೆಯ ಮಗುವನ್ನು ಅನುತ್ತೀರ್ಣ ಮಾಡಿರುವ ಶಿಕ್ಷಣ ಸಂಸ್ಥೆಗೆ ತಲೆಯೂ ಇಲ್ಲ. ಹೃದಯ ಮೊದಲೇ ಇಲ್ಲ. ಆ ಮಗುವನ್ನು ಏನು ಮಾಡಲು ಹೊರಟಿದೆ ಈ ಮಹಾ ಶಿಕ್ಷಣ ಸಂಸ್ಥೆ?’ ಎಂದು ಪ್ರಶ್ನಿಸಿದ್ದಾರೆ.
ೇಲ್ ಹೇಗೆ?: ವಿದ್ಯಾರ್ಥಿನಿಯು ನಾಲ್ಕು ವಿಷಯಗಳಲ್ಲಿ ಪರೀಕ್ಷೆ ಬರೆದಿದ್ದಾಳೆ. 160 ಅಂಕಗಳಿಗೆ 100 ಅಂಕಗಳನ್ನು ಪಡೆದಿದ್ದಾಳೆ. ಇಂಗ್ಲಿಷ್, ಗಣಿತ, ಪರಿಸರ ವಿಜ್ಞಾನ ವಿಷಯದಲ್ಲಿ ಉತ್ತೀರ್ಣಳಾಗಿದ್ದು,
ರೈಮ್ಸ್ನಲ್ಲಿ ಮಾತ್ರ ಅನುತ್ತೀರ್ಣ ಆಗಿದ್ದಾಳೆ. ಇದರಿಂದ ಶಾಲಾ ಅಡಳಿತ ಮಂಡಳಿಯು ಅನುತ್ತೀರ್ಣ ಎಂದು ನಮೂದಿಸಿದೆ.
