ಯಡ್ರಾಮಿಯಲ್ಲಿ ಬೆಂಗಳೂರು ಪಿಎಸ್​ಐ ಜನ್ಮದಿನ

ಯಡ್ರಾಮಿ: ಕುಕನೂರಿನ ಶ್ರೀ ಚನ್ನಮಲ್ಲೇಶ್ವರ ಶಾಲೆಯಲ್ಲಿ ಬೆಂಗಳೂರಿನ ಜ್ಞಾನಭಾರತಿ ಪೊಲೀಸ್​ ಠಾಣೆಯ ಪಿಎಸ್​ಐ ಭಗವಂತ್ರಾಯಗೌಡ ಪಾಟೀಲ್​ ಅವರ ಜನ್ಮದಿನ ಶನಿವಾರ ಆಚರಿಸಲಾಯಿತು.

ಭಗವಂತ್ರಾಯಗೌಡ ಪಾಟೀಲ್​ ಅವರು ದಕ್ಷ ಪೊಲೀಸ್​ ಅಧಿಕಾರಿಯಾಗಿದ್ದು, ಮುಖ್ಯಮಂತ್ರಿಗಳ ಪದಕ ಪಡೆದಿದ್ದಾರೆ. ಅಲ್ಲದೆ ಸಾಕಷ್ಟು ಕೇಸ್​ಗಳ ವಿಚಾರಣೆ ನಡೆಸಿ, ಆರೋಪಿಗಳನ್ನು ಜೈಲಿಗಟ್ಟಿದ್ದಾರೆ. ಯುವಕರ ಬಳಗದಿಂದ ಕುಕನೂರಿನ ಶಾಲೆಯಲ್ಲಿ ಜನ್ಮದಿನ ಆಚರಿಸಲಾಯಿತು.

ವಿದ್ಯಾರ್ಥಿಗಳೊಂದಿಗೆ ಕೇಕ್​ ಕತ್ತರಿಸಿ ಬರ್ತಡೇ ನಡೆಸಲಾಯಿತು. ಬಳಿಕ ಮಕ್ಕಳಿಗೆ ನೋಟ್​ಬುಕ್​ ಹಾಗೂ ಉಪಾಹಾರ ವಿತರಣೆ ಮಾಡಲಾಯಿತು. ಬಳಗದ ಶರಣಕುಮಾರ ಕುಕನೂರ, ಸಾಹೇಬಗೌಡ ಪಾಟೀಲ್​, ಬಾಪುಗೌಡ ಪಾಟೀಲ, ಶರಣಗೌಡ ಪಾಟೀಲ, ಸುರೇಶ ಪಾಟೀಲ ನೇದಲಗಿ, ಮಲ್ಲು ಬಿರಾದಾರ, ಸಿದ್ರಾಮಯ್ಯ ಹಿರೇಮಠ, ಭಗವಂತ್ರಾಯಗೌಡ ಮಾಲಿಪಾಟೀಲ, ಮಲ್ಲಯ್ಯ ಹಿರೇಮಠ, ವಿಶ್ವನಾಥ ಅವಟಿ, ಸಿದ್ದು ಕೆರೂರ್ ಇತರರಿದ್ದರು.