ಯಡ್ರಾಮಿಗೆ ವಿವಿಧೆಡೆಯಿಂದ ಬಸ್ ಸೌಕರ್ಯ

ಯಡ್ರಾಮಿ: ಜಿಲ್ಲಾ ಕೇಂದ್ರ ಕಲಬುರಗಿ ಸೇರಿ ವಿವಿಧ ಪ್ರಮುಖ ನಗರಗಳಿಂದ ಯಡ್ರಾಮಿಗೆ ಬಸ್ ಸೌಕರ್ಯ ಕಲ್ಪಿಸಿದ್ದು, ಸಾರ್ವಜನಿಕರು ಲಾಭ ಪಡೆದುಕೊಳ್ಳಬೇಕು ಎಂದು ಘಟಕದ ನಿಯಂತ್ರಣಾಧಿಕಾರಿ ಹಣಮಂತ ಕಾಚಾಪುರ ತಿಳಿಸಿದರು.

ಶುಕ್ರವಾರ ಬೆಳಗ್ಗೆ ಕಲಬುರಗಿ- ಧಾರವಾಡ ಬಸ್‌ಗೆ ಚಾಲನೆ ನೀಡಿ ಮಾತನಾಡಿ, ಕಲಬುರಗಿ ವಿಭಾಗದ 3ನೇ ಘಟಕದ ಬಸ್ ಕಲಬುರಗಿಯಿಂದ ಬೆಳಗ್ಗೆ 10ಕ್ಕೆ ಹೊರಟು, 12ಕ್ಕೆ ಯಡ್ರಾಮಿ ತಲುಪಲಿದೆ. ಬಳಿಕ ಕೆಂಭಾವಿ-ಮುz್ದೆÃಬಿಹಾಳ ಮಾರ್ಗವಾಗಿ ಧಾರವಾಡ ತೆರಳುವುದು. 2ನೇ ಘಟಕದ ಬಸ್ ಕಲಬುರಗಿಯಿಂದ ಬೆಳಗ್ಗೆ 8ಕ್ಕೆ ಸಂಚರಿಸಿ, 10ಕ್ಕೆ ಯಡ್ರಾಮಿ ತಲುಪಲಿದೆ. ಜೇವರ್ಗಿಯಿಂದ 12.30ಕ್ಕೆ ಬಿಟ್ಟು, 1.20ಕ್ಕೆ ಯಡ್ರಾಮಿ ತಲುಪಲಿದೆ. ಆಳಂದನಿAದ ಬೆಳಗ್ಗೆ 7ಕ್ಕೆ ಹೊರಟು, ಗಾಣಗಾಪುರ-ಜೇರಟಗಿ ಮಾರ್ಗವಾಗಿ 11ಕ್ಕೆ ಯಡ್ರಾಮಿ ತಲುಪಲಿದೆ. ಅಫಜಲಪುರದಿಂದ ಬೆಳಗ್ಗೆ 7ಕ್ಕೆ ಹೊರಟು, ಘತ್ತರಗಿ-ಮೋರಟಗಿ ಮಾರ್ಗವಾಗಿ 9ಕ್ಕೆ ಯಡ್ರಾಮಿ ತಲುಪಲಿದೆ. ದೇವದುರ್ಗದಿಂದ ಬೆಳಗ್ಗೆ 7.30ಕ್ಕೆ ಸಂಚರಿಸುವ ಬಸ್ ಸುರಪುರ-ಕೆಂಭಾವಿ ಮಾರ್ಗವಾಗಿ 10ಕ್ಕೆ ಯಡ್ರಾಮಿ ತಲುಪಲಿದೆ. ಇದಲ್ಲದೆ ಜೇವರ್ಗಿಯಿಂದ ಯಡ್ರಾಮಿಗೆ ಒಂದು ತಡೆರಹಿತ ಬಸ್ ಓಡಿಸಲಾಗುತ್ತಿದೆ ಎಂದು ಮಾಹಿತಿ ನೀಡಿದರು.

ಪ್ರಮುಖರಾದ ಬಸಯ್ಯಸ್ವಾಮಿ ಹೊರಗಿನಮಠ, ಇಬ್ರಾಹಿಂಸಾಬ್ ಉಸ್ತಾದ್, ರಜಾಕ್ ಮನಿಯಾರ್, ಬಸವರಾಜ ಪವಾರ್, ಸೀತಾರಾಮ ರಾಠೋಡ್, ಶ್ರೀಶೈಲ್ ರಾಠೋಡ್ ಇತರರಿದ್ದರು.