ಪಾಲಿಕೆಯ 65 ವಾರ್ಡ್ಗಳು ಹಾಗೂ ಹೊರವಲಯ ಪ್ರದೇಶಗಳಿಗೆ ನೀರು ಸರಬರಾಜು ವ್ಯವಸ್ಥೆಯಲ್ಲಿ ಹಲವು ಲೋಪದೋಷ ಗಳಿವೆ. ಈ ಲೋಪ ಸರಿಪಡಿಸಿದರೆ ಪಾಲಿಕೆ ಬರುವ ಆದಾಯ ಹೆಚ್ಚಾಗಲಿದೆ. ನಗರಕ್ಕೆ ಪ್ರತಿನಿತ್ಯ 335 ಎಂಎಲ್ಡಿ ನೀರು ಪೂರೈಕೆಯಾಗುತ್ತಿದ್ದು, ಇದರಲ್ಲಿ ಕೇವಲ 1400 ಎಂಲ್ಡಿಗೆ ಮಾತ್ರ ಬಿಲ್ಲಿಂಗ್ ಆಗುತ್ತಿದೆ. ಉಳಿದ 195 ಎಂಲ್ಡಿಗೆ ಲೆಕ್ಕ ಇಲ್ಲ. ಪ್ರತಿ ತಿಂಗಳು 1.8 ಲಕ್ಷ ಬಳಕೆದಾರರಿಗೆ ಬಿಲ್ಗಳನ್ನು ನೀಡಲಾಗುತ್ತಿದ್ದು, ಈ ಪೈಕಿ ಮೂರನೇ ಒಂದು ಭಾಗಷ್ಟು ಅಂದರೆ ಸುಮಾರು 60,000 ಬಳಕೆದಾರರು ಮಾತ್ರ ಪ್ರತಿ ತಿಂಗಳು ಬಿಲ್ ಪಾವತಿಸುತ್ತಿದ್ದಾರೆ. ಇನ್ನುಳಿದ 1.20 ಲಕ್ಷ ಬಳಕೆದಾರರು ಬಿಲ್ ಪಾವತಿಸುವಂತೆ ಪಾಲಿಕೆ ಉತ್ತೇಜಿಸಬೇಕು. ಪಾಲಿಕೆ ವ್ಯಾಪ್ತಿಯಲ್ಲಿ ಒಟ್ಟು 40,000 ಅನಧಿಕೃತ ನೀರಿನ ಸಂಪರ್ಕಗಳಿದ್ದು ಅವುಗಳನ್ನು ಅಧಿಕೃತಗೊಳಿಸಿ ಪಾಲಿಕೆಯ ತೆರಿಗೆ ಜಾಲಕ್ಕೆ ಒಳಪಡಿಸಿದರೆ ಪಾಲಿಕೆ ಆದಾಯ ಹೆಚ್ಚಲಿದೆ.
