ಲಾಕ್ಡೌನ್ ನಿಯಮ ಸಡಿಲಿಕೆಯಿಂದ ಹಲವರು ರಸ್ತೆಗಿಳಿಯುತ್ತಿದ್ದಾರೆ. ಇದೇ ವೇಳೆ ಹಲವು ಜನರು ಶೀತ, ಕೆಮ್ಮು, ನೆಗಡಿ, ಗಂಟಲುನೋವು ಇದ್ದರೂ ವೈದ್ಯರನ್ನು ಸಂರ್ಪಸದೆ, ಅವರ ಸಲಹೆಯಿಲ್ಲದೆಯೂ ಔಷಧ ಅಂಗಡಿಯಿಂದ ತಮಗೆ ಬೇಕಾದ ಔಷಧ ಕೊಂಡೊಯ್ಯುತ್ತಿದ್ದಾರೆ. ಒಂದೊಮ್ಮೆ ಕೋವಿಡ್-19 ಲಕ್ಷಣ ಇರುವ ಜನರು ಹೀಗೆ ವರ್ತಿಸಿದರೆ ಅಪಾಯ ಕಟ್ಟಿಟ್ಟ ಬುತ್ತಿ. ಇದನ್ನು ಅರಿತ ತಾಲೂಕು ಆರೋಗ್ಯಾಧಿಕಾರಿ ‘ಯಾರಾದರು ಶೀತ, ಕೆಮ್ಮು, ನೆಗಡಿ, ಜ್ವರ, ಗಂಟಲುನೋವು ಸೇರಿ ಯಾವುದೇ ರೋಗಕ್ಕೆ ಸಂಬಂಧಿಸಿ ಮಾತ್ರೆ ಅಥವಾ ಸಿರಪ್ ತೆಗೆದುಕೊಳ್ಳುತ್ತಾರೋ ಅವರ ವಿಳಾಸ, ದೂರವಾಣಿ ಸಂಖ್ಯೆಯನ್ನು ಪಡೆದು ತಮಗೆ ಕಡ್ಡಾಯವಾಗಿ ಕಳುಹಿಸಿ’ ಎಂಬ ಖಡಕ್ ಸೂಚನೆ ನೀಡಿದ್ದಾರೆ.
